ANG Cebu City Government nitala pg labing ubos nga gidaghanon sa mga nangamatay ug kaso sa coronavirus disease (Covid-19) sa Nobiyembre ug unang adlaw sa Disyembre, 2020.
Sa talaan sa Emergency Operations Center (EOC), upat ang namatay sa Nobiyembre, labing ubos sa gidaghanon sa mga namatay sa Covid-19.
Subay usab sa lista, maayo ang tilimad-on ug ang paningkamot sa Cebu City batok sa Covid-19 sanglit niadtong Disyembre 1, usa ra ka bag-ong kaso ang napuno sa EOC gikan sa 353 ka samples nga gi-test sa Department of Health (DOH)-7.
Si Konsehal Joel Garganera, deputy chief implementer sa EOC, niingon nga kini maoy duha ka mga record breaking nga labing maayo nga resulta sa pagpakigbatok sa virus.
Kini maoy ikaupat nga sunodsunod nga adlaw diin nag-single digit ang Cebu City sa mga kaso sa Covid-19.
Matod ni Garganera nga 0.28% positivity rate ang Disyembre 1 nga Covid-19. Ang Cebu City aduna na lay 227 ka aktibong kaso sa Covid-19. (PAC)