SUPERBALITA CEBU

Tambagi ko Noy Kulas: Kuhaon ang anak

Dear Noy Kulas,

Maayong adlaw kanimo ug sa mga reader niining imong kolum. Tawga lang ko og Black Jack. Kining akong problema kay kabahin sa akong ex. Nag ask pud ko nimo ani kay pareho mi og problema sa imong unang letter sender.

Usa ko ka single father pud. Nagpuyo mi og three years sa iyang mama nga akong ex kay nagminyo siya og foreigner kay wa kuno siyay hayag nga kaugmaon nako. Kay sa mao nga panahon, nangamo ra ko sa usa ka shop, but karon, naa na koy owned talyer ug naminyo na sab ko sa mas buotan nga babaye, loving ug responsible. Wa mi anak but treated kaayo niya nga iyaha ang akong anak.

Same sa imong letter sender, gusto kuhaon sa mama ang bata. Unya kining among anak six years old pa ni. Di ba kani nga age adto ni sa mama? Please tambagi ko.

BLACK JACK

Black Jack,

Sa ingon niani nga sitwasyon, tan-awon og maayo sa korte ang sitwasyon, di lang kay sa edad lang, labina nga ang bata nagdako uban nimo. Naa siya sa maayo nga environment busa usa ni sa determinahon sa hukmanan, timbangon og maayo, labina kay linghod pa kaayo og pangisip ang inyong anak.

Pangandam lang alang sa legal battle kay ang pagkuha sa inyong anak gikan sa imong mga kamot di masayon sa paghimo sa imong ex. Di ka man iresponsable nga amahan ug duna kay kapabilidad sa pagpadako sa bata uban sa imong asawa. Kon tan-awon gani, kompleto na mo as family. Busa, daugon ni sa korte ug sa inyong depensa. Di buang ang huwes nga magtapaka og hukom ug di kakita sa sitwasyon.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!