BAG-ONG milingkod nga hepe sa Police Regional office 7 mopasusi sa background sa tanang mga sakop sa mga Drug Enforcement Unit kon wa bay nalambigit sa illegal nga kalihukan.
Kon masuta nga aduna, iyang bungkagon ang unit aron hulipan og bag-ong mga personnel.
Sa wa pa hingpit nga nakalingkod sa katungdanan isip hepe sa PRO 7, si Police Brigadier General Ronnie Montejo gimandoan ni PNP Chief, Police General Debold Sinas, nga limpyohan ang kapulisan sa Central Visayas.
Tinguha niya nga ang tanang personnel sa mga DEU limpyo, way mantsa sa krimen sama sa kalambigitan sa illegal nga drugas aron masiguro ang integridad. (AYB)