UYON si Cebu Governor Gwendolyn Garcia sa pagpahigayon og mga Misa de Gallo.
Kini subay sa direktiba sa Inter Agency Task Force (IATF) nga ang lokal nga kagamhanan na ang padesisyunon kon mopahigayon sa relihiyusong kalihukan taliwa sa pandemya.
“My direction has been as far as practicable, we should now go back to normal. We should now go back on upholding our religious and traditional ways. So, i believe kanang Misa de Gallo, part nana sa atong kultura and apil na sa atong pagkatawo,” matod ni Garcia.
Apan gihimug-atan niya nga itugyan na niya sa simbahan ang kalihukan ug mosubay sa ipatuman nga oras o bisan unsa nga kausaban alang sa pagpadayon sa tradisyon.
Kini tungod sa nagkalain-lain nga oras sa curfew sa mga lungsod.
Matod ni Garcia nga kinahanglan nga tahuron usab sa mga lokal nga kagamhanan ang separation sa church ug state.
“Concerned lang ta aning mga protocols nga gi-establish for Covid-19. It is taking us further and further away from our humanity. Mura natag dili human beings. Worse, mura na ta og wala nagpuyo og usa ka society or a community kay we are forced to stay away from each other. We are being told to stay away from the ceremony and the rights that feed our inner soul,” matod ni Garcia.
Samtang ang pangu sa League of Municipalities of the Philippines ug mayor sa lungsod sa Liloan, Christina Frasco, mosubay sa direksyon nga ipatuman ni Garcia sa Probinsya.
“As far as religious activities are concerned we take the lead of Governor Gwen for all the towns and as well as the islands from the Archbishop,” matod ni Frasco.