“Sweet dismissal” kon ihulagway ni Liloan Mayor Christina Frasco ang pagbasura sa Sandiganbayan sa kasong graft ni Cebu Governor Gwendolyn Garcia sa Disyembre 1 may labot sa pagpalit sa Balili Property niadtong 2009.
“What makes this dismissal sweet is that ang Korte sa pagpagawas sa ilang ruling. Laktod pagkaestorya, ilang gi-dismiss ang mga kaso against Gov. Gwen kay dili gani tungod sa kakusgan sa iyang depensa, kon dili tungod sa ka weak ug ka walay basehan sa kaso sa prosecution,” matod ni Frasco sa mga tigbalita sa Disyembre 2.
Si Frasco maoy usa sa manlalaban ni Garcia sa kaso.
Atol sa pakighinabi sa mga tigbalita sa Disyembre 2, malipayon nga niatubang si Garcia human gipakanaog ang naasoy nga desisyon.
“I feel vindicated, of course. But I’m also just as very happy for my family because now, they, too, are vindicated. Kon ang imong reputasyon gub-on, dili lang ikaw, hasta intawn sa imong pamilya. I’m also happy for the seven others who were cleared,” matod sa gobernador. (ANV)