COMFORT within reach at the palm of your hand,” tagline sa Palmbeach Resort and Spa nga nahimutang sa Sityo Malingin, Barangay Punta Engaño, Dakbayan sa Lapu-Lapu nga makadani niadtong nangita og dapit nga kasuroyan nga malinawon, ug convenient ang pagpahuway.
Ang maong resort and spa usa ka boutique resort nga dili angayang sipyaton sa mga nangita og dapit nga gustong ma-de-stress sa pressure sa trabaho ingon man paghupay sa huna-huna niining kabalaka resulta sa Covid-19 pandemic.
Asa dapita?
Molanat ngadto sa siyam o 10 ka minutos nga biyahe gikan sa Marcelo Fernan Bridge kon magsakay og pribadong sakyanan.
Sa mga way kasakyan dili maproblema kay accessible sab ang lokasyon sa public transportation, sa kadtong nagdaginot nga naglikay sa dako nga pletihan sa pagsakay og taxi adunay multicab nga de pasayroan nga nagrota sa Barangay Punta Engaño.
Sa kalsada sa M.L. Quezon Highway habig sa Barangay Pajo o Pusok gikan sa inyong paglugsong sa duha ka mga taytayan nga nagsumpay sa mainland Cebu (ilabi na niadtong gikan sa laing dakbayan o lungsod), daghang Filcabs nga mobiyahe paingon sa maong barangay.
Dili sab lisod sa pagpangita sa maong resort kay daplin ra sa kalsada ug dili ka magkasaag-saag sa imong pagbaktas.
Duol ra sab kini sa Liberty Shrine o naila kaniadto nga Mactan Shrine kon gusto ninyong mosuroy sa maong makasaysayanong dapit, kay molanat lang og 17 ka minutos kon maglakaw.
Unsay naa?
Ang 3-star hotel adunay beach front, aduna say upat ka managlahing pools lakip na niini ang kiddie pool ug elevated pool, picnic area, jacuzzi, massage spa, function room, restaurant, gift shop, dive shop, water sports, game room, mini library, recreation desk, wi-fi access, chapel, children’s playroom, room for persons with disabilities, basement parking ug elevator.
Adunay 52 ka rooms ang Palmbeach. Ang matag room spacious ug hitsas sa mini ref, coffee makers, free wi-fi, LED TV’s nga aduany cable channels.
Mini bars, 24-hour front desk, roundtrip airport shuttle available 24 hours (adunay surcharge) ug ubang amenities nga dili na ma-problema ang matag guest.
Virus-free
Tungod niining nasinati nga Covid-19 sa nagkadaiyang suok sa kalibutan ang Palmbeach wa mangiwit sa ilang gipatuman nga “enhanced cleanliness measures” aron paglikay sa pagkatap sa maong virus.
Regular nga gipatuman ang disinfectant sa tibuok property, ang sagad nga makuptan nga butang kanunayng gilimpyohan ug disinfected sab.
Ang bed sheets ug tualya gilabhan sa 60 degrees Celsius nga ka-initon aron siguradong patay ang virus nga mabuhi.
Gimentinar sab ang social distancing sa ilang contactless check-in ug check-out pinaagi sa online booking o tawag sa telepono.
Protective shields gilibot niadtong dapit ilabi na sa main contact areas.
Ang guest rooms ilang ipa-bakante sud sa 24 oras sa dili pa ipagamit sa laing guest nga moabot.
Matag staff nagsul-ob sab og protective equipment, ug sa naandan pagkuha og temperature ngadto sa guest ug ang pag-provide og hand sanitizer ang gipatuman.
Rroom rates
Aniay good news tungod kay discounted ang tanan nilang rooms kay aduna silay Holiday Promo nga molanat hangtod sa Disyembre 29, 2020 itandi sa ilang published rates sa wa pa motumaw ang Covid-19.
Mokabat nalang ngadto sa P2,800 ang Standard Rooms nga masudlan og duha ka tawo ug bata, Deluxe Rooms–P3,800 kasudlan og duha ka tawo apan mas lapad ang floor area.
Suite room nga adunay duha ka bedroom, duha ka toilet and bath, mini sala, kitchenette sa kantidad nga P5,599.
Kon basehan ang ilang published rates sa wala pa ang pandemic mokabat sa P6,000 –Standard, P8,000–Deluxe ug P10,000–Suite rooms.
Siguradong maka-afford kamo ilabi na nga sa dili madugay aduna kamoy madawat nga bonuses o incentives sa inyong kugi nga pagpanarbaho.
Haom sa barkada ug pamilya ang Palmbeach nga magbilin og nindot nga memories taliwala niining pandemiya nga dili kabayran og kuwarta.