SUPERBALITA CEBU

Labella supak nga menor maka-mall

Si Cebu City Mayor Edgardo Labella di motugot sa mga menor nga 15 anyos paubos nga moadto sa malls bisan ila pang kuyog ang ilang mga ginikanan.

Matod ni Labella nga kini risgo kaayo sa pagpanakod sa coronavirus disease (Covid-19).

Sa Nobiyembre 30, 2020, si Interior and Local Government Secretary Eduardo Año niawhag sa matag lokal nga kagamhanan sa pagpalabang og ordinansa nga nagtugot sa mga menor nga makagawas.

“Our order for the gradual expansion of the age group is in time for Christmas so that minors can also go out; provided, they are accompanied by their parents,” matod ni Año.

“We will not (allow) kay in the first place, there is no such ordinance,” matod ni Labella sa phone interview sa Disyembre 3.

Si Labella nitumbok sa baruganan sa Department of Health (DOH) ug ubang medical practitioner organizations nga supak sa pahibawo ni Año.

Nituo usab siya sa obserbasyon sa health sector nga ang mao nga lakang “is quite risky for minors.”

Iya usab nga gikonsulta niini si City Health Officer Jeffrey Ibones sa iyang desisyon.

“There is a contrary opinion to the health sector. Risky kaayo,” matod ni Labella.

Ang dakbayan sa Sugbo ubos sa modified general community quarantine (MGCQ) hangtod sa katapusan sa Disyembre.

USA NA LANG

Samtang usa na lang ka aktibong kaso sa Covid-19 ang naa sa dakbayan sa Talisay sa Disyembre 1.

Kini gibutyag sa Talisay City Public Information Center sa ilang post sa Disyembre 2.

Ang bugtong kaso naa sa Barangay Cansojong.

Niabot na sa 1,012 ang mga kaso sa coronavirus samtang adunay 100 ang natala nga namatay. / JJL, dugang taho ni BBT


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph