SUPERBALITA CEBU

1K nga gipabakwit gikan sa baha nanguli na

Human nikutat ang mga baha, nakabalik na ang 1,551 ka mga tawo ngadto sa ilang tagsa ka balay human sila gipabakwit niadtong Miyerkules, Disyembre 2, tungod sa grabeng mga baha.

Matod sa updated report sa Provincial Disaster Risk Reduction and Management Office (PDRRMO), adunay unom ka mga lungsod ug 30 ka mga barangay ang apektado sa baha.

Kini mao ang mga lungsod sa Asturias, Balamban, Compostela, Danao City, Poro ug Tuburan.

Moabot sa 34 ka mga panimalay ang gibahaan, lima nangaanod. Tulo niini gikan sa Tuburan, usa sa Lungsod sa Balamban, Danao City ug partial sa Compostela.

Gawas sa mga balay, partially damaged usab ang unom ka mga classrooms, footbridge ug ang flood control infrastructure.

Si Gobernador Gwendolyn Garcia moduaw sa apektadong mga dapit sa Biyernes, Disyembre 4, 2020.

TUBURAN

Ang Tuburan maoy apektado kaayo sa baha.

Si Mayor Danilo Diamante nagkanayon nga niabot sa 3,579 ka mga tawo kun 1,153 ka pamilya ang naapektohan.

Kini naglakip sa mga lumolupyo sa Barangay Poblacion, Manga, wa pay labot sa Carmelo ug ubang barangay gikan sa kabukiran kinsa apektado sab sa landslide.

Apan nalipay ang mayor nga way kinabuhi nga nakalas sa kalamidad nga iyang gihulagway nga labing dako nga uwan ug labing kusog nga baha nga nasinati sa lungsod.

“Gahapon, medyo nakuyawan jud ang kadaghanan , labi na naa daplin sa river. Grabi ang kalamidad kagahapon. Gibanabana nga mao toy pinakagrabi nga pagbaha. Daghan daghan jud sa atong mga kaigsuonan nga Tuburanon ang naapektuhan,” padayag ni Diamante.

“Pasalamat lang ta nga dili high tide unya adlawan nahitabo kay kon simbako gabii nahitabo, posible adunay makalas nga atong kaigsuonan sa lungsod kay maglisod man kitag responde,“ dugang sa mayor. / ANV, PAC


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph