HUMAN sa pagbaha nga nasinati sa lungsod sa Balamban niadtong Miyerkules, Disyembre 2, 2020, gisusi karon ni Cebu Governor Gwendolyn Garcia ang Balamban River nga mi-suyla atol sa pag bunok sa uwan.
Duha ka mga barangay nga mao ang Cantuod ug Nangka maoy labing apektado sa pag awas sa maong sapa.
Subay sa inspeksyon nalakip sa mga naguba ang levee sa maong sapa.
Kauban sa maong inspection sila si Balamban Mayor Alex Binghay, Kongresista Pablo John Garcia sa third district, sakop sa Provincial Environment and Natural Resources Office (PENRO), Provincial Engineering Office (PEO), Provincial Disaster Risk Reduction and Management Office (PDRRMO) ug ang sakop sa Department of Public Works and Highways (DPWH) sa Disyembre 4 sa lungsod sa Balamban./ANV