SUPERBALITA CEBU

Wa nay aktibong Covid sa Madridejos

(File photo)

HUMAN sa usa ka semana sukad sa kontrobersiya sa Suroy-Suroy sa lungsod sa Madridejos tungod sa paglapas sa quarantine protocol, way nadugang nga aktibong kaso sa coronavirus disease (Covid-19) ang lungsod.

Kini maoy malipayong pahibawo ni Madridejos Mayor Salvador Dela Fuente sa mga tigbalita sa Disyembre 4.

Ang katapusang upat ka aktibong kaso sa lungsod natala niadtong Nobiyembre 26. Sukad niadto wa nay nadugang.

Matod ni de la Fuente nga wa na silay aktibong mga kaso.

"Pasalamat mi nga na Covid free na bitaw mi. Pasalamat ko sa akong mga constituents nga nag matngon sad gyud sila ba despite nga medyo nakuan mi ato among kalihukan. But I understand bitaw sa gibati sa mga tawo," matod ni Dela Fuente.

Subay sa listahan sa lungsod, adunay 104 nga kinatibuk-ang mga kaso sa Covid-19 ang natala.

Gibutyag ni Dela Fuente nga sukad sa nahitabong Suroy-Suroy sa Nobyembre 27 sa Kota Park, walay mipakita og simtomas sa Covid.

"Nangutana ko sa mga ni-attend nato didto. So far, wala may any signs, any symptoms wala gyud so pasalamat kaayo mi," sulti sa mayor sa mga tigbalita.

“Well, para nako wala man toy bati nga comment. Pasalamat ra pod ko nila nga concern bitaw sila namo diri sa Madridejos," matod ni de la Fuente.

Padayon nga awhag sa mayor sa mga konstituente nga magmabinantayon ug subayon ang health ug quarantine protocol aron di na mapun-an pa ang mataptan. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph