WAY nakalas nga kinabuhi sa pag-atake sa mga Bangsamoro Islamic Freedom Fighters (BIFF)-inspired group sa Islamic State of Iraq and Syria (Isis) apan grabe ang nahitabong binakbakay tali sa mga awtoridad alas 10:30 sa gabii niadtong Huwebes, Disyembre 3, 2020.
Gikanayon ni 6th Infantry (Kampilan) Division Spokesman Lieutenant Colonel Anhouvic Atilano nga mokabat sa 50 ka mga miyembro sa BIFF-Isis-nspired group ang miatake sa Barangay Poblacion sa Datu Piang, Maguindanao Province.
Mga terorista gipangulohan nila Kumander Karialan Saga Animbang ug Kumander Motorola, pulos ilawom sa kamandoan ni Shiek Esmail Abdulmalik alyas Kumander Abo Toraife.
Giingong way puas nga nagpaarak ang mga terorista og mga bala samtang dala ang bandila sa Isis.
Sumala ni 6th Infantry Division Chief ug Joint Task Force Central Commander Major General Juvymax Uy tungod sa dali nga pagresponde sa mga sundalo, kauban ang mga pulis, nahitabo ang sobra usa ka oras nga binakbakay nga gikalisang sa mga molupyong sibilyan.
Miatras lang ang mga terorista sa dihang gigamitan na sila og Semba Armored Carrier sa militar.
Sa wala pa miiktad, gidabdaban nila ang police patrol car sa outpost sa Datu Piang Municipal Police Station.
Gilusad na sa mga awtoridad ang combat clearing operation batok sa grupo nga nanghasi sa Barangay Poblacion sa nahisgutang lungsod.