Babayeng call center agent patay human gipusil sa nagsakay og motorsiklo alas 6:40 sa gabii sa Huwebes, Disyembre 3, 2020 sa Pangea Beach Resort, Barangay Tayud, lungsod sa Liloan.
Si Kaysyh Dumagat, 21, dalaga, taga Dumaguete City, Negros Oriental, kasamtangang nagpuyo sa Brgy. Pajac, Dakbayan sa Lapu-Lapu, patay diha-diha sa samad pinusilan sa tangkugo.
Sa wa pa siya pusila, dunay gikaestorya sa cellphone si Dumagat nga gituohan sa kapulisan nga yawe sa pagsulbad.
Si Major Danilo Colipano, hepe sa Liloan Police Station nga nahinabi sa Superbalita Cebu, niingon nga “selos ang motibo” sa krimen.
Matod ni Colipano nga duna na sila karoy person of interest sa kaso.
Si Dumagat uban sa mga higala nangaligog dagat ug nigawas sa gate kay dunay gika text ug tawo nga gikaestorya sa selpon. Ang iyang mga kauban nakadungog og sipang buto sa armas.
Sa ilang pagsusi, si Dumagat nahagba nga nagkadugo samtang ang gunman paspas nga mibiya sakay sa motorsiklo.
Gibutyag ni Colipano nga ila karong gisubay sab ang impormasyon nga dunay nasilo kang Dumagat.
Giingong gibasol siya sa usa ka lalaki nga maoy naka-ingon sa panagbuwag.
“Uyab daw sa iyang ig-ayaw. Gibasol siya kay mao kunoy nagsolsol nga nakauyab og lain,” dugang ni Colipano.
Sutaon sab nila kuo ang gikaestorya ni Dumagat sa selpon mao ba ang gunman.