Labella: Serging labing maayo untang presidente sa nasod

ALANG KANG SERGING: Sila si Bise Mayor Michael Rama (tuo) ug Konsehal Renato Osmeña Jr. (wala) maoy nangu sa paghalad og mga buwak sa monumento ni anhing senador Sergio “Serging” Osmena Jr. alang sa iyang ika-104 nga adlaw nga natawhan. / ALEX BADAYOS
ALANG KANG SERGING: Sila si Bise Mayor Michael Rama (tuo) ug Konsehal Renato Osmeña Jr. (wala) maoy nangu sa paghalad og mga buwak sa monumento ni anhing senador Sergio “Serging” Osmena Jr. alang sa iyang ika-104 nga adlaw nga natawhan. / ALEX BADAYOS

Bisan kon ang ilang bansagon magkaatbang sa pulitika, apan gidayeg ni Mayor Edgardo Labella ang amahan ni kanhi mayor Tomas Osmeña atol sa ika-104 nga adlaw niyang natawhan, Disyembre 4, 2020.

Si Labella nihulagway kang kanhi senador Sergio “ Serging” Osmeña nga dako og gikatampo sa kalambuan sa dakbayan ug tibuok lalawigan.

“He served as Cebu City mayor, Cebu governor, congressman, and senator. I’ve always thought of him as the best president we never had,” padayag ni Labella sa iyang official Facebook page. “We remember Serging and the kind of intelligent, forward-thinking, and selfless leadership he exemplified,” dugang sa mayor.

Si Osmeña nahimong gobernador sa Sugbo niadtong 1951 hangtod 1955 ug mayor sa Cebu City niadtong 1959 hangtod 1963 sa wala pa siya napili pagka-senador niadtong 1965 ngadto sa 1971.

Si Presidente Rodrigo Duterte niisyu og Proclamation No. 1053 niadtong Nobiyembre 18 pagdeklara sa Disyembre 4, 2020 nga special non working holiday sa tibuok Sugbo.

Sa Cebu City Councilor Renato Osmeña Jr., kinsa fourth generation sa mga Osmeña, nipalabang og resolution niadtong Disyembre 18, 2019 nga nag-awhag sa Malacañang nga himuong special non-working holiday ang tibuok Sugbo matag Disyembre.

Natuman kini paglabay sa usa ka tuig.

“I’m very honored to be the fourth generation Osmeña and it is his 104th birthday and we are commemorating this momentous day to honor this humble person, a fiscalizer as the vice mayor would say.

Kanang kutihan nga tawo nga he would always stand by honesty, integrity and patriotism, and that is what I am very proud of. And we’re just very thankful. And bear in mind what he has started, I would love to continue,” padayag ni Osmeña.

Ang City Government nipahigayon og hamubo nga programa paghinumdom sa adlaw nga natawhan ni Serging sa Plaza Sugbo, atubangan sa City Hall.

Sila si Rama ug Osmeña ang nangu sa tinuig nga kalihukan. / PAC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph