Aktibong kaso sa Covid sa CV ubos sa 1K
Ang gidaghanon sa aktibong mga kaso sa Covid-19 sa rehiyon nahibalik ngadto sa ubos sa 1,000 mark, base sa gipakitang data sa Department of Health (DOH) 7.
Gikan sa kinatibuk-ang 1,079 ka aktibong mga kaso sa coronavirus disease (Covid-19) sa Disyembre 1, kini nikanaug ngadto sa 944 sa Disyembre 2 ug 925 sa Huwebes, Disyembre 3.
Bisan pa sa pagkanaug sa mga kaso, nipahinumdom ang mga awtoridad sa panglawas sa pagmatngon taliwa sa mga pagsaulog ning Pasko.
Gikinahanglan nga kanunay mogamit sa face mask, face shield, kanunay nga manghunaw sa hustong paagi ug naa ang social distancing aron di mokatap og balik ang kagaw.
Ila usab nga gipahinumdoman ang mga local government unit (LGU) sa pagpatuman kanunay sa minimum health protocol.
“An increase in the visibility fie a more proactive community surveillance,” matod niini.
Mokabat sa 35 ka bag-ong mga kaso ang natala sa Huwebes sa gabii, Disyembre 3. Niini, 13 gikan sa Negros Oriental; 10 sa Cebu City; pito sa Cebu; tulo sa Lapu Lapu City ug duha sa Bohol. Ang
Central Visayas dunay 24,240 ka mga kaso, apan ang 21,923 niini naka-recover na. / WBS