SUPERBALITA CEBU

Mipakatap sa sex video napriso

Kay wa mosugot ang iyang ex-girlfriend sa pagpakig-sex, gipadala sa 22 anyos nga lalake ang ilang sex video ngadto sa mga higala sa babaye niadtong Septiyembre.

Mao kini pagpakita nga tinuod ang iyang hulga ngadto sa iyang ex-girlfriend nga kon di mosugot nga mag-sex, iya na sab nga ipakatap ang video pinaagi sa social media.

Tungod sa gibuhat ni Jack (di tinuod nga ngan), si Rose (di tinuod nga ngan) nidangop sa Regional Anti Cyber Crime Unit (RACU)7 aron mapugngan ug masilutan ang iyang kanhi uyab.

Sa alas 9 pasado sa Huwebes sa gabii, Disyembre 3, 2020, si Jack na-entrap nila ni Police Colonel Artemio Recabo, acting regional chief sa anti-cyber crime unit, sa Barangay Tisa, Dakbayan sa Sugbo.

Ilang gikuyog si Rose nga kunohay uyon sa gusto ni Jack nga sila mag-sex.

“Karon kay si Rose dili na gyud siya ni Jack. Si Jack pud mihulga ni Rose nga kon dili makigkita, iyang i-upload ang ilang mga pictures ug video. So ang nahitabo, naa gyuy paghulga pinaagi sa Facebook,” matod ni Recabo.

NAG-VIDEO

Giangkon ni Rose nga sa dihang nagkauyab sila Enero 2020, aduna nay nahitabo tali kanila ibabaw sa kama.

Gani gidokumento pa nilang duha ang ilang gibuhat pinaagi sa pagkuha og video ug hulagway.

Apan sa Hunyo, niaslom ang ilang relasyon tungod sa batasan ni Jack nga manapat hinungdan nga nakahukom ang babaye nga makigbuwag.

Dinhi na nagsugod ang kanunay nga pagpanawag ni Jack kang Rose dungan sa paghangyo nga mag-sex. Kon dili siya mosugot, manghulga kini nga ipakatap ang ilang video.

“Nanghulga ning lalake nga kon dili magpakita si Rose, iya gyud i-upload sa Facebook ilang sex video,” dugang ni Recabo.

Wa mohunong si Jack sa paghangyo kang Rose nga makighilawas bisan sa pagbalibad.

Niabot na sa punto nga gitinuod ni Jack ang bahad, ipakatap ang ilang video niadtong Septiyembre.

Ang mga higala ni Rose maoy nakadawat sa video pinaagi sa Messenger. Tungod niini, nakadesisyon siya nga iyang ireklamo si Jack sa kapulisan.

Kasong kalapasan sa Anti Voyeurism Law ug Violence Against Women and Children (VAWC) ang atubangong kaso ni Jack.

Awhag sa kapulisan ngadto sa mga ginikanan nga bantayan kanunay ang ilang mga anak, kanunay pahimangnoan nga dili mosulod sa pre marital sex aron dili makasugat og problema. /


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph