Nagpanikad na si NBA star Kawhi Leonard sa Los Angeles Clippers sa pagbalik sa training camp ug sa pagsugod sa 2020-2021 NBA season.
Ang Los Angeles Clippers ni Leonard makasugat og dili tiaw nga pagsulay atol sa opening sa season karong Disyembre 23 sanglit ilang makaatbang ang defending champion Los Angeles Lakers ni LeBron James.
Niining puntoha, ang Clippers nga gibituonan nilang Leonard ug Paul George aduna nay laing mga mga players sanglit silang Montrezl Harrell nitabok na sa Lakers ug si JaMychal Green niadto na sa Denver Nuggets.
Apan napuli usab silang Serge Ibaka ug Luke Kennard kinsa nakauban ni Leonard sa Toronto atol sa ilang kampyonato.
“We brought in some good talents, some good veterans. Serge will be great for us. He’ll be a rim protector, he’s been in big moments before and can shoot the ball,” padayag ni Leonard.
Ang Clippers nibunlot kang George ug Leonard para sa usa ka kampyonato apan pakyas sila sa ilang tinguha gumikan sa pandemya ug wala sila makasugakod sa NBA bubble.
“Our ultimate goal is just make sure this is a winning environment. Then everything will iron itself out.” dugang ni George. (PAC)