Vallena: Bike brand

KASAGARAN sa mga biseklita nga gipamaligya dinhi sa atoa mga American brand. Specialized, Marin, KHS, Santa Cruz, Cannondale Haro ug Niner mga American brand. Ang Giant ug Merida puro ni Taiwanese brands nga known internationally. Naa gani mountain bike racing team ang Giant. Ang KHS naa sa Estados Unidos ug Taiwan.

Kasagaran sa mao nga brand, bisan Americans, dinhi kini gihimo sa Asia, kadaghanan sa Taiwan. Ang Specialized dunay buhatan sa China. Ang akong Niner sa Vietnam gihimo.

Bisan tuod kon dinhi sa Asya kini gi-manufacture, wa kini magpasabot nga nakompromiso ang kalidad niini. Way kausaban ang iyang kalidad kay the same quality control ang gi-apply sa mao nga brands bisan asa kini gi-manufacture. Standard ang ilang QC bisan asa nga pabrika.

Sagad sa mga kompaniya mas pabor nga anhi sa Asia gam-on ang produkto kay gawas nga mas ubos ang labor cost, naa ra sab dinhi nagagikan ang mga material. Busa mas makadaginot ang mga kompaniya. Ang gasto ra ba sa paggama og produkto ipatong sa presyo.

Di sab ko motuo nga ang kalidad sa produkto nga gama sa laing mga lugar sama sa Malaysia, Indonesia ug Thailand mas ubos kaayo kon itandi sa gama sa Taiwan, United States ug Japan kon hisgutan ang usa ka brand, sama sa Shimano.

Motugot kaha ang mga tag-iya sa Shimano nga yama-yamaan ang ilang ngalan sa laing dapit? Di tingali.

BAG-ONG BRANDS

Tungod sa pag-uso sa biseklita ug kamahal sa American brands, nangsulpot ang bag-ong bike brands. Niadtong 2018, nakabantay na ko sa brands nga Trinx, Foxter , Pinewood, Mountainpeak ug uban pa. Kasagaran ini mga kompaniya sa China ug duna say Taiwan.

Di ko makasulti sa ilang kalidad kay ang akong bike brands naagian sagad American, sama sa Specialized, KHS, Kona ug Niner. Gawas ining akong daan sab nga Giant nga sa 2012 nako napabarog. Sagad ra ba sa mga tig bike ang frame brand maoy tan-awon.

Dako na sab og kalainan ang bag-ong mga frame kay sa kaniadto kuno, pinaagi sa bag-ong teknolohiya, ang bag-ong gipangdesinyo nga mga biseklita nagkonsiderar sa riding comfort ug responsiveness sa riding style sa nagsakay.

Di man ko expert sa pag-review kay kaniadto, weekend rider ug pleasure lang akoa, dala ang exercise sa akong pagtindak.

MALINGAW

Ang usa gyud sa importante alang nako nga nalingaw ka sa imong ride. Ikaduha, husto ang imong bike frame sa imong gidak-on ug ang parts haum usab nimo ug sa imong preferred nga pagsikad.

Apan kon mangita ka og branded nga frame nga affordable, go for KHS. Kana kon makakita ka ning panahuna nga grabe ka taas ang demand sa biseklita.

Kon mopalit ka og biseklita ug parts karong panahuna, mag-agwanta ka sa linya nga taas, anha sa sidewalk. Di sama niadtong wa pa ang pandemic, mahimo ka rang makasulod dayon sa shop.

Basta karong panahuna, di sayon ang pagpangitag branded, apan medyo affordable nga bike. Happy hunting.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph