SUPERBALITA CEBU

TNT 2-0 ang tirada

Gilat-an sa TNT Tropang Giga ang Barangay Ginebra Kings, 88-67 atol sa game 3 sa best of seven series sa Philippine Cup sa PBA didto sa Pampanga.

Niining higayona, wala na mo-collapse ang Giga sa ilang opensa sugod sa second quarter aron kitkitan ang labaw sa series sa Ginebra, 2-1.

Sila si Troy Rosario ug RR Pogoy maoy nagtimon sa TNT ug napugngan ni Simon Enciso si Stanley Pringle nga maoy nagsilbing lawas ug kalag sa Kings sa PBA bubble aron di sila mahagsa sa 0-3 sa series.

Ang Tropang Giga aduna tsansa nga tablahon ang series karong gabii atol sa game 4.

Si Rosario nipugnit og 15 puntos ug 3 rebounds, 2 blocks ug 1 steal kinsa nag-average lang og 9.5 puntos sa game 1 ug 2.

“Happy ako ibang Troy Rosario ang naipakita ko ngayon,” Padayag sa 6 foor 5 nga power forward.

Si Pogoy maoy top scorer sa Giga pinaagi sa iyang 18 puntos, kinsa nakakuha og double-double ni Jason Castro, 15 puntos ug 10 assists ug 14 puntos gikan ni Enciso.

Si LA Tenorio ang nangulo sa pilderong Ginebra kinsa nipasulod sa iyang upat ka itsa gikan sa tres kinsa. Kini nihipos og 19 puntos samtang niamot og 15 puntos si Japeth Aguilar samtang 11 puntos ang namaniobra ni Pringle.

Ang Tropang Giga niduwa nga wala ang ilang star nga si Bobby Ray Parks nga nagpaalim pa sa iyang angol. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!