Krayola tabang sa NGO sa mga tinun-an

Krayola tabang sa NGO sa mga tinun-an

DALIT karon sa Isla Krayola ug Halfrice.Art ang usa ka proyekto diin mamahimo nga makaangkon og libreng digital art ang mga mo-donate og usa ka kahon sa krayola sa mga batang tinun-an.

Ang Isla Krayola usa ka non-profit organization nga namugna niadtong 2018 nga nagtinguha nga makahatag og usa ka kahon sa krayola nga adunay 48 ka kolor ug uban pang school supplies sa matag tinun-ang anaa sa Kinder hangtod Grade 6.

“We only wanted to let the kids experience that joy of childhood innocence by surprising them with 1 box of 48 crayons to simply motivate them and enhance them through coloring,” mga pulong nga nalatid sa misyon sa grupo.

Sukad niadtong 2018, niabot na sa 700 ka mga tinun-an ang ilang natabangan.

Pipila sa mga lugar nga ilang nabisita mao ang Olango ug Caohagan Island sa Dakbayan sa Lapu-Lapu; Camotes Islands; lungsod sa Cordova ug Ginatilan sa Lalawigan sa Sugbo; ug Barangay Lusaran sa Dakbayan sa Sugbo.

Niadtong Disyembre 1, 2020, gianunsiyo sa Isla Krayola nga katambayayong nila ang Digital Illustrator nga Halfrice.Art sa ilang bag-ong proyekto.

“Happy 1st evening of December, everybody. Halfrice.Art has something very special for us this holiday season! Gift a child boxes of 48 crayons and get a free digital art,” asoy sa Facebook post sa Isla Krayola.

Alang sa dugang detalye mamahimong bisitahon ang Facebook page sa Isla Krayola o mopadala og email sa islakrayola@gmail.com.

Nakatambayayong usab sa Isla Krayola sa ubang mga proyekto niini ang Bevrism, Kide Educational Toys, Char One Entertainment, ug uban pa. (NDT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph