SUPERBALITA CEBU

2 gi buy-bust; wanted nasikop

'COURIER': Si Victor Secretaria, 53, giingong drug courier, nasikop sa buy-bust sa City Intelligence Unit sa Mandaue City Police Office (MCPO). / BENJIE B. TALISIC

TULO ka mga tawo nasikop sa managlahing nga mga operasyon kapulisan sa Sugbo, duha niini, buy-bust.

Duha ka mga lalake nasikop sa mga sakop sa Parian Police Station sa Biyernes sa gabii, Disyembre 4, 2020 ug Sabado sa kaadlawon, Disyembre 5.

Matod ni Police Major Armando Labora, hepe sa Parian Police Station, unang nadakpan sa buy-bust sa Drug Enforcement Unit (DEU) mao si Romvic Belliza, 45, kinsa nasikop sa may dan Imus, Barangay T.Padilla, Siyudad sa sugbo.

Nasakmit gikan kaniya ang usa ka pakete sa shabu ug usa ka bulto nga mobalor og kapin sa P40,000.

Nakuhaan usab si Belliza og kalibre .45 nga pistola nga way lisensiya.

Pasado alas 2 sa kaadlawon sa Sabado, ilang nasikop si Edcel Silaya Nadera, 42, taga sityo San Roque, Barangay Lorega San Miguel ning siyudad.

Si Nadera gidakop pinasikad sa warrant of arrest sa kasong murder nga giluwatan ni Judge Glenda Go sa Regional Trial Court (RTC) Branch 65 sa Talisay City.

Matod ni Labora nga sumala sa iyang nasayran, si Nadera taga dakbayan sa Talisay, apan sa siyudad sa Sugbo nipuyo human nakatrabaho isip panday.

Makig-alayon pa sila sa kapulisan sa dakbayan sa Talisay ingon man sa Cordova kay sumala sa ilang nahibaw-an, duna kini samang kaso sa mao nga lungsod.

BUY-BUST

Samtang sa dakbayan sa Mandaue, usa ka 53 anyoa nasikop sa buy-bust niadtong gabii sa Disyembre 4 sa North Reclamation Area, Barangay Subangdako, dakbayan sa Mandaue.

Si Police Major Joey Bicoy, pangu sa City Intelligence Unit (CIU) sa Mandaue City Police Office (MCPO) maoy nangu sa pag-buy bust kang Victor Secretaria, alyas Amanda, taga Barangay Mambaling, siyudad sa sugbo.

Nasakmit gikan kang Secretaria nga mga binulto sa shabu motimbang og 200 gramos nga dunay kantidad nga P1.3 milyones base sa Dangerous Drugs Board (DDB) value.

Matod ni Bicoy nga si Secretaria usa ka drug courier nga ilang gipanid-an kapin sa duha ka semana.

Human makompirmar, ilang gipahigayon ang buy-bust.

Si Secretaria ilang giisip nga high value individual (HVI) sa Central Visayas.

Si Secretaria, sa iyang habig, niingon nga igo lang siya gisugo sa iyang higalang bayot nga nagngalan og Yace bugti sa P1,000. Wa siya masayod nga drugas ang iyang dala. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!