APROBADO na sa ikatulo ug uwahing pagbasa ang P15 bilyones nga proposed budget alang sa 2021 sa Lalawigan sa Sugbo atol sa session sa Hunta Probinsyal sa Disyembre 7.
Mas daghan na unya nga improvements ug dugang proyekto ang buhaton alang sa health services ug infrastructure sa lalawigan sa Sugbo. Kini human gihatagan og labing dako nga pahat sa 2021 budget ang naasoyng mga programa nga sobra sa katunga sa gahin.
Si Bokal Glenn Anthony Soco nga nangamahan sa resolusyon nipadayag nga importante ang pagpasar sa budget sanglit gamiton usab alang sa recovery sa ekonomiya.
Mokabat sa P8.2 bilyunes ang gigahin alang sa mga imprastraktura, sama sa pagkongkreto sa kadalanan, pagtukod og mga taytayan, patubig ug pagpalambo sa mga pantalan.
“It consists of infrastructure projects for road concreting, bridges, waterworks systems, port development, and other vital programs and projects which would enable goods and services to move faster, enhance efficiency of the delivery of basic government’s services and boost investments in the countryside. It is the right investment in the right direction which would speed up our economic recovery,” matod ni Soco.
Ang Kapitolyo migahin usab og P6,2003,416,931.17 alang sa social services; P5,865,496,090.33 alang sa economic services; ug P2,931,086,978.50 alang sa general public services.
Nakab-ot kining maong budget pinaagi sa tabang sa dako nga collection gikan sa local sources. Matod ni Soco nga nagpakita sab kini nga ang Probinsya sa Sugbo wa magsalig sa iyang pahat sa Internal Revenue Allotment (IRA). (ANV)