SUPERBALITA DAVAO

Roldan: Traditional Chinese Medicine

Nota Bene

MALIPAYONG kapistahan sa mga deboto sa Immaculada Concepcion. Taliwala sa atong natagamtaman nga trahedya nga dala sa Covid-19, dili mawala sa Pinoy ang pagmahal ni Mama Mary nga inahan ni Jesus nga Manunubos.

Gani bisan adunay limit sa gidaghanon sa mosimba, mag-awas-awas intawon ang mga simbahan. Ilang atubangon ang dugay nga pagtindog o ang kainit sa gawas aron lang makalingkod sila sa sunod misa.

Ang uban kay naglisod tungod sa huot nga trapiko og sa harang sa checkpoint, didto na lang tawon mosimba atubangan sa ilang TV screen o sa internet. Mao na gyod tingali ni ang "new normal" hangtod nga anaa nay epektibong bakuna alang niini.

Isa ang Pilipinas sa mga nasud nga naningkamot nga mahatagan og bahin sa 4-5 ka bakuna nga na-aprubahan na karon sa ubang nasud. Adunay mahal kaayo, naa poy barato ra. Dako sab ang potensyal ang atong "virgin coconut oil" (VCO) nga nasuta nga makatabang sa pag-alibyo sa kumplikasyon sa sakit nga Covid apan dili kini mamahimong bakuna para sa virus.

Sa pagtuon sa UP, nigawas nga mas dali maayo ang may sakit sa Covid kung moinum kini'g pipila ka kutsarita nga VCO matag adlaw kaysa kadtong wala mogamit. Busa morag hayag-hayag na ang umaabot sa pagsumpo sa sakit nga Covid sa atong nasud.

Niadtong Nobyembre 23, giaprubahan sa Philippine Food and Drugs Administration (FDA) ang Lianhua Qingwen Jiaohang isip Traditional Chinese Medicine (TCM) pero alang kini sa komplikasyon sa sakit sa baga sama sa pulmonya, apil ang Covid, flu ug kalintura.

Matud pa ni Zhang Yunling, deputy general manager sa Yiling Pharmaceutical nga ang tulo ka druga og tulo ka "prescription" nga tambal dunay dakong papel sa paglikay sa Covid-19 sa China ug sa uban pang nasud sa kalibutan.

Ang tulo ka druga ug tulo ka prescription nga Lianhua Qingwen maoy nag-unang gi-recomenda sa nga awtoridad sa China nga tambal batok sa Covid-19. Gigamit sab kaniadto ang maong tambal batok sa SARS, H1N1 flu ug MERS.

Matud pa ni Dr. Philip Tan Gatue, TCM expert sa Pilipinas nga naghatag og lecture kabahin sa TCM theory, formula ug formulation ug ang "ancient famous prescription" ug unsaon nga magamit ang TCM sa moderno nga pagsanta sa sakit sa kalibutan.

Dugang pa niya nga ang TCM ug ang Western Medicine mag-supplement na karon sa pagtambal sa mga bag-ong sakit sa atong panahon. Hinuon gipaklaro sa FDA nga dili direktrang makaayo ang Lianhua Qingwen sa Covid kondili suplemento lamang kini sa kumplikasyon nga dala sa virus.

Sa pagkatinuod, gigamit ang Lianhua Qingwen sa sakit nga Chronic obstructive pulmonary disease (COPD) sama sa emphysema, "chronic bronchitis" ug "long term" nga naghubag ang agianan sa hangin gikan sa baga. Sumpuon sa maong tambal ang paghubag ug palig-onon ang "immune system" aron di na kini mobalik pa.

Busa kadtong adunay gibati nga morag Covid pwedeng mopalit niini sa mga dagkong botika. Mas mahal kung masulod ka na sa isolation room o kaha sa ICU sa hospital tungod sa sakit busa miyentras kaya pa sulayi kining maong TCM.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph