SUPERBALITA DAVAO

Kampo sa terorista gikanyon

Hulagway gikan ni Edgar Fuerzas

COTABATO CITY -- Gikanyon sa militar ang gitagoan sa mga terorista niadtong Dominggo sa buntag, Disyembre 6.

Matud ni 6th Infantry (Kampilan) Division Chief ug Joint Task Force Central Commander Major/General Juvymax Uy gipunting sa pagkanyon gamit ang 105 mm Howitzers Cannon mga hilit nga dapit sa Datu Piang, Shariff Saydona Mustapha ug Datu Salibo sa Maguindanao Province nga giingong gitagoan sa mga miyembro sa Bangsamoro Islamic Freedom Fighters (BIFF)-Inspired group of Islamic State of Iraq and Syria (ISIS).

Tungod niini, daghang mga sibilyan nanghikling gikan sa tulo ka lungsod sa kahadlok nga maipit sa kagubot.

Samtang nahiabot na sa Datu Piang ang dugang puwersa sa Regional Mobile Force Battalion-14, 4th Special Action Battalion ug 6th Infantry (Kampilan) Division ug 34th Infantry Battalion, Philippine Army.

Hinuon sa pagsuwat ning balita kagahapon, normal na ang sitwasiyon sa Datu Piang apan gibati gihapon ug kahadlok ang mga molupyo sa posibleng pagbawos sa mga terorista. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!