Gi-deklarar sa Malakanyang karong adlawa nga usa ka holiday gumikan kay ang Simbahang Katoliko misaulog sa Pista sa Inmaculada Concepcion. Karon lang kini sa panahon ni Presidente Duterte nga gideklarar nga fiesta opisyal ning maong adlaw. Daghan na karong holidays kay bisan adlaw sa mga Santos og espisyal nga okasyon sa Simbahang Katoliko sama aning maong adlaw ug mga espisyal nga adlaw sa mga Muslim, gideklarar na nga holiday sa Malakanyang.
Ang Inmaculada Concepcion usa ka dogma sa Simbahang Katoliko nga nagkanayon nga si Birhen Maria gawasnon sa orihinal nga sala sa dihang nagsamkon siya ni Hesu Kristo. Si Birhen Maria ra gihapon kini sama kang Mama Mary kansang fiesta gisaulog matag Septiyembre 8.
Nahimo kining kontrobersiyal niadtong mga kanhiay nga panahon apan gibalik sa pagsagop niadtong 19th century isip Church dogma sa dihang si Papa Pius 1X mikapakanaog og desisyon nga gitawag og “ineffabilis Deus” (Apostolic Constitution of the Pope) niadtong 1854. Ang kamanduan adunay igong suporta sa liderato sa Simbahang Katoliko. Apan ang Archbishop sa Paris niadtong higayona, ni-warning nga ang Inmaculada Concepcion wala masubay sa Bag-ong Testamento. Ang deklarasyon sa Santo Papa maoy hinungdan sa init nga panagsungi tali sa Franciscans ug Dominicans.
Apan ang Santo Papa uban sa iyang “Curia” (special body nga maoy naglangkob sa central government sa simbahan) misalindot sa argumento nga wala kini sa New Testament ug medisisyon nga mamahimong santos ang Inmaculada Concepcion pinasikad sa iyang gahom niadtong 1870.
Upat ka tuig ang nakalabay, si Birhen Maria nipakita sa batan-ong Bernadette Soubiroius sa Lourdes, France, nipahibalo nga siya si Inmaculada Concepcion. Daghan man god og dagway si Mama Mary ug gitawag sa nagkalain-laing ngalan pinasikad sa lugar nga diin siya nagpakita ug nagmilagro. Siya usab ang Inahan sa Kanunay’ng Panabang ug Marian Apparition. Blessed Mother, Madonna, Our Lady Queen of Heaven, Cause of our Joy, Mother of Mercy, Our Lady of Guadalupe or Virgin of Guadalupe kay didto siya nagpakita sa Guadalupe, Mexico City.