CEBU

#MyCovidStory: Pagsalig sa Ginoo labing kusgang tambal batok Covid

By Regie Verallo

Dear SunStar,

Ako diay si Regie Verallo, usa ka freelance photographer. Okay ra kaayo ang akoang panginabuhi sa wala pa ang Covid-19. Until pag last week of March nga nagsugod na ang quarantine, hinay-hinay pud og cancel ang amoang bookings. Hinay-hinay pud og sugod ang kalisod sa kinabuhi labi na nga wala koy lain source of income, naa pa jud koy duha ka mga anak.

Ni abot ang ika-8 nga birthday sa akoang eldest, nakahuna-huna ko og suway sa barter community aron I baylo sa birthday cake, lechon manok ug stuffed toy para sa akong anak.

Daghan ang gusto motabang sa akoa ug dinhi pud nako nasuwayan nga gi-bash ko tungod sa akong gibuhat nga pag-barter. Gi-bash ko nila kay nagtuo sila nga nangilad ko. Naay uban niingon nganong dili ang camera akong gi-barter. Kay tungod ang akong gi-barter ang mga drawing man sa akoang anak para barteran og cake, lechon manok ug unicorn stuffed toy isip belated birthday celebration niya.

Ang camera, inutang ra nako ang kwarta nga akong gipalit, di pud pwede ibarter kay mao ra jud ang source of income nako. Wa man pud work akoang wife.

Akoang giluom ang tanan, I know nga para sa akoang anak ang akoang gibuhat ug dili pa tungod sa Covid-19 dili unta mi magkalisud. Wa nako igsapayan ang ilang pang-bash kay nakita nako ang kalipay sa akoang anak.

Nasakitan ko sa mga bad comments pero mas daghan pud ang nikontak sa akoa, nihatag og groceries, cake, stuffed toy ug little amount. Daghan pud ang nihatag og encouraging messages. Wala ko katug atong gabhiona naghunahuna sa mga bash nila, naghilak ko sa tago, kay di ko gusto makit-an sa akoang pamilya nga apektado ko. Ang naas akong huna-huna nga ang akong gibuhat para sa kalipay sa akoang anak ug akoang buhaton ang tanan para sa akoang pamilya.

Kay wa naman jud koy lain source of income, nangluto mi og saging turon. Akoang gipuhunan ang sobra sa gihatag nga amount. Nag-start mi og pamaligya online sa banana turon month of June na, weeks after sa birthday sa akoang anak pag May 30. Akoang gibaligya online with free delivery within Talamban, bisan unsa kalayo ang mo-order, akoa kining i-deliver nga maglakaw lang, until naay naluoy nako,og gihtagan ko og bisekleta. Until nikontak nako si Maam Gwenee Grace nga mohatag sila og bike nako, with the help sa iya friends, kay naluoy siya nga maglakaw ra ko. Usa pud si Maam Gwenee Grace sa nipadala nako og gamayng amount para sa birthday sa akoang anak.

Sa pag ECQ pa, okay pa kaayo ang sales sa turon until nianam-anam og kahinay pag GCQ na kay makagawas naman ang mga tawo ug open na pud ang mga tindahan.

Nagluto pud mi og Veggie Lumpia ug Lumpianada aside sa Banana Turon. Pero karon niundang pa mi og pangluto kay nag-adjust pa mi sa sitwasyon, pag-assist sa amoang eldest sa module ug pag-atiman sa amoang 2-year-old daughter.

Ang akoa lang ika advice sa tanang apektado pud sa pandemya, nga dili ta magpapilde sa problema. Isip usa ka amahan, atoang buhaton ang tanan para sa atoang pamilya ilabi na sa atoang mga anak, sa tinarong nga paagi, bahalag unsay ikasulti sa ubang tawo. Most of all, and the most powerful, prayers. Mao ra jud ni naghatag nako og strength. Isalig nato ang tanan sa Ginoo, kay dili jud ta niya pasagdan.

Hantod karon, seven months na kapin, wa pa jud nabalik ang amoang naandan nga panginabuhi. Just hope nga ma-okay na ang tanan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

Create your own user feedback survey
sunstar.com.ph