SUPERBALITA DAVAO

Foreign terrorist nadakpan

Hulagway iya ni Edgar E. Fuerzas

NASIKOP sa mga awtoridad ang usa ka foreign terrorist ala 1:05 sa hapon niadtong Miyerkules, Disiyembre 9, 2020, sa Cotabato City.

Giila ang dinakpan nga si Adel Sulaiman Alsuhibani alyas Khalid, 60, taga Saudi Arabia ug naglihok sa East Asia nga miyembro sa Islamic State of Iraq and Syria (Isis).

Gisignit uban kaniya ang Pinay niining asawa nga si Norhaya Silongan Lumanggal, nagpuyo sa Sitio Bubong, Barangay Datu Balabaran sa dakbayan.

Gibutyag ni 6th Infantry (Kampilan) Division Chief ug Joint Task Force Central Commander Major General Juvymax Uy nga gironda sa mga sakop Criminal Investigation and Detection Group (CIDG) sa Bangsamoro Autonomous Region (BAR) uban ang mga ginsakpan sa NICA, Regional Intelligence Division (RID-15) Regional Mobile Force Battalion Marine Battalin Landing Team (MBLT-2), 6th Infantry Division, Philippine Air Force, CCPPO ug uban pang mga law enforcement Unit ang pinuy-anan sa magtiayon.

Dala sa mga awtoridad ang search warrant nga gikan pa sa Isulan Sultan Kudarat nga pirmado ni Judge Allan Edwin Boncavil, acting presiding judge sa Regional Trial Court 12, Branch 19.

Narekober gikan sa suspek ang usa ka laptop, flash drive, passport, passbook, mga cellphone ug kagamitan sa paggama og improvised explosive device.

Gikanayon sa mga silingan sa mga dinakpan nga duha na kini ka tuig nga nagpuyo sa ilang dapit nga giingong mga buotan ug nagpaila nga mga negusyante.

Samtang, gikompirma ni PRO-BAR Regional Director Brigadier General Samuel Rodriguez nga tulo ka bulan nga ilang gipanid-an si Alsuhibani sa diha nga ilang natumbok nga duna kini koneksiyon sa grupo ni Shiek Esmail Abdulmalik alyas Kumander Abo Toraife sa Dawlah Islamiyah group/BIFF-Isis-inspired group ug Saudi-based Isis facilitator.

Hinuon gipanghimakak ni Alsuhibani nga siya terorista kay usa lang siya ka money-lending businessman.

Gibalhog ang magtiayon costudial facility sa CIDG-BAR nga gipailawom sa tactical interrogation. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!