Maghudyaka ang tanan kay karong Pasko ang Metro Manila Film Festival (MMFF) 2020 makita nato sa online pinaagi sa upstream.ph.

Napulo ka mga pelikula ang inyong pilian naay pang-bata, horror, suspense, thriller, pang-LGBTQ, love story, boys’ love, family drama ug komedi.

“Magikland,” “Fangirl,” “The Missing,” “Tagpuan,” “Isa Pang Bahaghari,” “Suarez,” “Mang Kepweng,” “The Boy Foretold By The Stars,” “Coming Home,” ug “Pakboys Takusa.”

May Nora Aunor, Philip Salvador, Michael de Mesa naa pay Iza Calsado, Alfred Vargas ug Shaina Magdayao sa managlahing love story.

Sylvia Sanchez ug Jinggoy Estrada sa makapanlimbawot nga sugilanon, sa komedi anaa silang Vhong Navarro isip Mang Kepweng kauban niini silang Barbie Imperial, Joross Gamboa,

Jacklyn Jose, Ritz Azul, Ryan Bang, Fumiya ug Yamyam, may riot sab sa katawa ang giandam nilang Andrew E., Dennis Padilla, Janno Gibbs ug Jerald Napoles.

May Paulo Avelino pa ug pelikula usab nilang Ritz Azul, Miles Ocampo ug Joseph Marco naa pay sugilanon sa healing priest ni John Arcilla.

Pili lang mo kon unsay inyong unahon og tanaw karong Pasko sa online kini mahitabo lakip na usab ang awards night, Ay’g Saba!

* * *

Niadtong 2003 nakita o naila nato ang pamilyang Salazar sa “Four Sisters And A Wedding,” karong tuiga adunay prequel ang maong movie nga streaming na online ang “Four Sisters Before The Wedding.”

Mahibaw-an nato dinhi kon unsa gyud ang naagian sa pamilya nga mga problema ug pagsuway nga ilang nasudlan.

Mailhan nato kon unsang klase ang ilang inahan ug amahan nga gidala nilang Carmina Villaroel ug Dominic Ochoa.

Dinhi sab nato matubag kon unsang mga klaseng teenager ang mga anak ni Connie Reyes niadto.

Charlie Dizon ang teenager nga si Toni Gonzaga, Alexa Ilacad si Bea Alonzo, Gillian Vicencio ang Angel Locsin, Belle Mariano si Shaina Magdayao ug si Clarence Delgado ang Enchong Dee.

Sa direksyon ni Mae Cruz Alviar streaming na online “Four Sisters Before The Wedding” maka-riot sab dinhi silang Cai Cortez ug Kakai Bautista, Ay’g Saba!

* * *

Malipayon kaayo ang Kim Chiu nga Star Magic lang gihapon ug loyal nga Kapamilya.

Human siya na bash niadtong pandemia karon nikita siya sa kontrobersyal nga “Bawal Lumabas.”

Nahimong malampuson ang maong kanta ug karon may serye na kini nga makita ninyo karong 14 sa Disyembre online.

“Bawal Lumabas” the series syempre ang bida sa pampamilyang serye karong Pasko ang Chinita Princess Kim Chiu.

Makauban usab niya dinhi silang Rafael Rosell, Paolo Angeles, Francine Diaz, Kyle Echarri ug Trina Legaspi sa direksyon ni Benedict Mique hatod kanato sa Dreamscape production.

May Christmas teledrama sab kamong tan-awon karong Pasko, gikan sa Lilas Kalingawan Production “Pangandoy Kong Belen.”

Bida dinhi silang Dan Sy Lopez, Dulcita Batausa, Yon Maningo, Shawna Irizari-Seniedo, Ben Jayma ug boardmember Atty. Jimbo Borgonia ubos sa direksyon ni Sam Costanilla ug sinuwat ni Ron Sumampong-Espere Einberg.

“Pangandoy Kong Belen” hatod kanato sa CCTN channel 47 ug makita nato karong petsa 24 sa Disyembre sa alas-sais sa gabii ug sa Youtube channel, Ay’g Saba!