DAVAO DEL SUR -- Nahimong viral sa social media ang video ug mga hulagway sa usa ka babaye ug lalaki nga nakit-ang naglamutakay kilid sa usa ka trak nga nakaparada duol sa usa ka establisyemento sa siyudad sa Digos adlaw'ng Lunes, Disyembre 14.
Ang paghalok ug pagkitkit sa lalaki sa pribadong parte sa dughan sa babaye maoy usa sa nasaksihan sa drayber sa trak nga anaa lamang sa sulod sa sakyanan niadtong higayona.
Sa iyang post, giasoy niini nga nilakaw ang iyang helper aron magfollow up sa ilang delivery sa usa ka dakong tindahan mao nga siya na lamang usa ang nahibilin aron matulog.
Apan, milabay ang pipila ka minuto, nakurat na lamang siya dihang nag-uyog-uyog na ang ilang sakyanan ug sa iyang pagtan-aw sa side mirror, maoy mipasiga sa iyang mata ang kissing ug daw "breastfeeding scene" nga iyang nasiplatan.
Sumala niini nga kapin usa ka oras nga iyang nakita ang gibuhat sa duha apan milakaw na lamang siya banda 1:25 sa hapon sanglit wa pa siya nakapaniudto niadtong orasa ug wa gihapon makabantay ang babaye'g lalaki nga hilabihang lingawa sa ilang pagsalo sa kalipay kilid sa trak.
Ang maong post mao karon ang nahimong sawsawan sa social media human nakuhaan og senaryo ang maong insidente.