Armi Lopez Garcia napili nga chairperson sa PCIC

 NATIONAL CHAIRPERSON SA PCIC: Si Armi Lopez Garcia, CEO sa Cebu-based Tablea Chocolate, napili nga national chairperson sa Philippine Cacao Industry Development Council (PCIC), Disyembre 9, 2020.  (Tampo)
NATIONAL CHAIRPERSON SA PCIC: Si Armi Lopez Garcia, CEO sa Cebu-based Tablea Chocolate, napili nga national chairperson sa Philippine Cacao Industry Development Council (PCIC), Disyembre 9, 2020. (Tampo)

NAPILI si Armi Lopez Garcia, CEO sa Cebu-based Tablea Chocolate, isip national chairperson sa Philippine Cacao Industry Development Council (PCIC) niadtong Disyembre 9, 2020.

Sa pagkakaron, si Garcia maoy chairperson sa Central Visayas Regional Cacao Industry Council ug napili bag-o lang nga national chairperson sa tanang Regional Cacao Development Councils sa tibuok Pilipinas.

Siya mohulip sa past national chairperson Valente Turtur. Pormal si Garcia nga molingkod isip national chairperson sa Enero 2021.

Ang PCIC suod nga nakig-alayon sa Department of Agriculture uban ni Undersecretary Evelyn Lavina isip co-chairperson sa PCIC nga nagrepresentar sa government sector.

Lakip sa pakig-alayon sa Department of Trade and Industry, Department of Science and Technology, Department of Health ug ubang ahensiya sa kagamhana nga dunay kalambigitan sa pagkab-ot sa vision.

Isip CEO sa Tablea Chocolate, si Garcia niabli sa unang chocolate cafe sa Cebu niadtong 2010. Nag-una sa paghimo sa homegrown, artisanal ug innovative chocolate products sa Sugbo.

Ang iyang pasyon sa paghimo sa kabilin nga putahe ngadto sa world-class products giila sa Pilipinas ug gawas sa nasod.

Karon nga siya maoy bag-ong pangulo sa PCIC, tumong niya ang pagpalambo sa innovative chocolate products dinhi sulod sa nasod ug ngadto sa ubang bahin sa kalibotan.

Si Garcia usab maoy honorary consul sa Russian Federation in the Philippines for the Visayas sukad sa 2007 ug labing unang Filipino nga nakakuha og Order of Friendship gikan ni Pesident Vladimir Putin sa Kremlin Palace tungod sa iyang paningkamot nga mapalambo ang Philippine-Russian relations. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph