PAITA. Wa pa gani makabangon ang mga lugar sa Pilipinas human maigo sa kalamidad tungod sa mga bagyo ug Covid-19 sa 2020, mas grabe ang kalamidad nga atong masugatan sa tuig 2021, matod pa sa libro nga nasuwat ang panagna ni Nostradamus.
Akong nabasahan ang libro sa mga panagna ni Nostradamus. Naghisgot sa di maayong panghitabo sa kalibotan sa tuig 2021.
Lunupan sa tubig ang halos tanang lugar sa kalibotan gumikan sa grabing baha tungod sa uwan.
Dunay mahitabong solar storm, asteroid mosud sa Earth ug makamugna og virus ang scientist sa Russia nga ang tawo mahimong zombie.
Kini hinuong lunop o mga pagbaha dina gayud kini kapugngan. Gani nahitabo ang kalbaryo sa katawhan sa kalibotan karon tungod sa mga pagbaha.
Mag-ampo lang gayud kita ni Lord nga iya kitang panalipdan kay di intawon lalim nga ang maigo sa maong virus mahimong zombie. Ang mahitabo magpinaakay unya ta niini.
PROJECT NI BATUHAN
Bisan ug wala na nato makita nga aktibo sa pulitikanhong kalihukan si Atty. Totol Batuhan, nagpadayon man diay ang iyang mga programa alang sa kabataan.
Nabasahan nako sa iyang Facebook page, Abante Barangay ug Bayan at Kabataan.
Nagpadayon ang pagpaghatag og laptap ug tablet ngadto sa kabataan sa mga molopyo sa siyudad sa Sugbo.
Akong gisuwayan og interview si Batuhan. Matud sa banggiitang abogado sa pagkakaron wala pa siyay plano sa pulitika.
Si Batuhan nidagan kaniadto sa pagka kongresista sa Cebu City south district apan gipildi sa namatay nga si kanhi kongresista Tony Cuenco.
Inila si Batuhan kay wa man nalambigit sa bisan unsang isyu ug ilabi na sa corruption.
Mitug-an si Batuhan sa Agila nga na busy siya sa Manila kay ang ilang kompaniya maoy nagdumala sa mga build build program ni Presidente Rodrigo Duterte.
Email: efrenlonzon71@gmail.com o text: 09235562777