SUPERBALITA CEBU

Nalzaro: Pacquiao mag-presidente?

GIDAWAT ni Senador Manny Pacquiao ang pagka presidente sa PDP-Laban party. Para sa unsa man? Aron gamiton nga behikulo sa iyang ambisyon nga magpapili sa pagka-presidente sa 2022 nga eleksiyon.

Ubos sa 1987 Constitution, qualified na si Pacquiao nga magpapili kay ang requirements mao ra nga: makamao mobasa ug mosuwat, 40 years old sa eleksiyon ug nagpuyo na sa nasud sulod sa 10 ka tuig panahon sa eleksiyon.

Matod ni Senadora Cynthia Villar nga kining pagka-presidente maoy gitawag nga “destiny.” “Would you agree that the Presidency is destiny? That if it is yours, it is yours. If it’s not yours, then it’s not yours. Why do you have to plan for it when it’s destiny?” Mao nay tukma nga mga pulong ni Senadora Villar. Ang kapalaran mao ang magbuot nga napresidente si Cory Aquino, ang iyang anak nga si Noynoy, si Gloria Macapagal Arroyo, Joseph Estrada, Fidel Ramos ug karon si Presidente Rodrigo Duterte.

Karon ang pangutana: destiny ba sab kaha ang magsugo nga si Senador Manny Pacquiao mao ang mahimong sunod nga Presidente? Aw, posible. Karon kon atong tandion ang mga presidente, tingale si Presidente Ramon Magsaysay Sr., ang kinadul-an sa matawag nga kabus kanilang tanan. Usa ka panday ang iyang amahan ug maestra ang iyang inahan. Pero dili gihapon ni ikatandi sa matang sa kakabus nga naagian ni Manny. Tungod niini, gipaabot nga tinuod nga mobati sa mga kabus kon palaran man siyang mahimong Presidente sa nasud. Pero tinuod ba usab nga ang kakabus magamit na nga rason aron mosalig kita kaniya nga makamao ug tinuod nga adunay kapabilidad nga momaniho sa renda sa kagamhanan?

Kon pananglitan palaran siya ug gumikan sa kamabaw sa iyang nakab-ot nga edukasyon, dili kaha siya gamiton sa mga tawo nga maalam nga iyang kuhaon nga advisers o ba kaha malamoy siya sa sistema? Way kuwestiyon sa sinsiridad ni Pacquiao, apan ang pinakataas nga posisyon sa nasud, dili lang tanan sinsiridad. Gikinahanglan ang kaalam labi pa kon maghisgot kita og mga polisiya. Naa kahay nahibaloan si Pacquiao sa ekonomiya, diplomatic ug international relations? Aw, “let’s see the scattered”(makitang katag) ani kon siya mahimong Presidente. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!