SUPERBALITA DAVAO

Negusyante gipatay

PATAY ang usa ka babaye kinsa giingong negusyante sa Tagum City samtang samaron ang drayber niini sa natigayong pagpamusil atbang sa Centerpoint, McArthur Highway, Barangay Matina Crossing, Davao City alas 4:40 sa hapon, Lunes, Disyembre 21, 2020.

Nasayran nga ang National Bureau of Investigation (NBI)-Davao Director Jonathan Balite nag-ila sa biktima nga si Susan Villaseran, 69 anyos, nagpuyo ug negusyante sa Tagum City.

Giila sab ang drayber sa negusyante nga si Sherwin Umacob, kinsa anaa sa talandugon nga kahimtang sud sa Southern Philippines Medical Center (SPMC) human una kining gidala sa Davao Adventist Hospital.

Dugang nasayran nga consultant sa NBI-Davao ang biktima nga si Villaseran, kinsa dunay real estate nga negosyo diin duha na ka mga anak niini ang gipatay niadtong nakalabay nga tuig.

Sumala ni Davao City Police Office spokesperson Police Captain Rosario Aguilar nga usa ka lawom nga imbestigasyon ang ilang gilusad karon.

Ginasubay na sab sa kapulisan ang kuha sa closed circuit television camera nga nakamuntar sa nahitaboan aron maila ang suspetsado.

Sa kasamtangan, gipahiluna na sa iyang mga kabanay ang biktima, samtang ang drayber niini nagpaalim sud sa SPMC.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph