PAGLAMBO sa natad sa turismo ang nag-unang prayoridad ni Mayor Junard Chan sa siyudad sa Lapu-Lapu. Mao kini ang giluwatang pamahayag sa mayor atol sa iyang pag-atubang sa Cebu media.
Si Chan nilingkod sa pagka mayor sa unang termino daghan nag nahimo alang sa katawhan. Niingon si Chan, bisan sa krisis tungod sa pandemic sa Covid-19 dili kini babag sa kalamboan sa ilang siyudad.
Matod sa mayor ang kapanginabuhian sa ilang siyudad mao ang natad sa turismo. Mao nga ila pa gayud kining palambuon.
Sa sunod tuig 2021 dunay duha ka lugar alang sa pagpahigayon og reclamation sa 100 hectares sa Barangay Punta Engaño ug 103 hectares sa Barangay Kanhulaw.
Ug dugang 25 hectares alang sa socialized housing diin ibutang ang nagpuyo sa mga squatters nga lugar. Tungod niini,wa na unyay makita nga squatters inig agi sa mga tawo sa Mandaue-Mactan bridge nga naa daplin sa baybayon.
Anaa sab ang coastal highway nga moagi sa 400 hectares nga reclamation nga maoy naghatag og kasulbaran sa problema sa trapiko. Gawas niini mobarog ang skyway nagikan sa lungsod sa Cordova dapit sa new third bridge saw-on sa siyudad sa Lapu-Lapu ngadto na sa airport.
Tungod niini, paspas ang pagbiyahi nga mada ra og 15 minutos gikan sa airport paingon sa SM Seaside sa Cebu City. Anaa na sab sa Lapu-Lapu City ang mga talan-on sama sa butanding ug uban pa.
Para nako kon ingon niini palang unta ang vision sa mga pulitiko sama ni Chan, nga unahon ang mga proyekto ug dili negusyo.
Unang makabenepisyo ang katawhan kay dakog income ang Siyudad ug unya ihapak ngadto sa mga proyekto. (efrenlonzon71@gmail.com o text: 09235562777)