Mipiktyur sa police station, gisikop

GISIKOP sa kapolisan ang usa ka lalaking nanguha og hulagway sa atubangan ug palibot sa Sulop Municipal Police Station sa Sulop, Davao del Sur alas 11:25 sa buntag sa mismong adlaw sa Pasko, Disiyembre 25, 2020.

Nailhan ang maong tawo nga si Renante Padernal Fullante, 34, byudo nga molupyo sa Purok 1, Barangay Carre sa lugar.

Sumala sa kapolisan nga nakit-an ni Corporal Mark Peter Ordaneza nga misulod kini sa palibot sa ilang istasyon diin nagsige og kuha og hulagway gamit ang iyahang Android phone mao nga ilang gibadlong.

Apan, inay nga mopatoo, nagmagahi hinoon kini ug nagpadayon sa iyang gibuhat hinungdan nga didto kini gidakop sa kapolisan.

Dugang sa taho, nagbutyag nga militok pa og dautang pulong ang maong tawo ngadto kang Ordaneza atol sa pagbadlong niini mao hingpit ng gikuha sa kapolisan ang iyang kolor silver brown nga Lenovo cellphone.

Nabalaka ang kapolisan nga makuha sa mga rebeldeng New People’s Army ang mga hulagway sa ilang istasyon ug makahimo og plano kung unsaon sa pag-atake kanila.

Sa kasamtangan, ang maong tawo gikustudiya na sa kapolisan samtang gihikay ang tukmang kaso nga atubangon niini didto sa korte. (Orlando B. Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph