NALIPAY si Kongresista Paz Radaza sa pagkalakip sa dakbayan sa Lapu-Lapu isip usa sa Most Improved Highly Urbanized Cities sa 2019 Cities and Municipalities Competitiveness Index (CMCI) rankings.
Sa ranking nga gibase sa 2018 nahimutang ang dakbayan sa ikaupat nga pwesto sa gipagawas nga ranking sa National Competitiveness Council (NCC).
Ang naasoyng ranking sa mga local government unit LGU tinuig nga ipagawas sa NCC ug Regional Competitiveness Committee RCC inabagabn sa United States Agency for International Development USAID.
Gibase kini sa upat ka criteria nga mao anf economic dynamism, government efficiency, infrastructure ug resiliency.
Ang naasoyng criteria pulos adunay 25 porsiyento nga grado alang sa 100 porsiyento nga kinatibuk-ang grado.
Ang dakbayan sa Lapu-Lapu nakakuha og 4.7519 sa economic dynamism (25th) 10.1156 sa government efficiency (21st), 6.4243 sa infrastructure (18th), ug 15.9498 sa resiliency (26th).
Sa kinatibuk,an ang dakbayan nahimutang sa ika-22 sa overall ranking sa CMCI rankings kun tulo ka rank nga pag-umento gikan sa 25th nga ranking sa 2018. Gigulagway sa kongresista nga usa ka maayong balita ang pagkalakip sa dakbayan sa mga dungog sama niini gumikan sa pandemiya nga giatubang sa mga Oponganon.
“Daku ang akong kalipay para sa mga Oponganon nga maoy angayan niini nga pasidungog. Timaan lang kini nga epektibo ang atong mga programa ug kalihokan para mapalambo ang syudad. Walay lain deserving sa pasalamat kung dili ang mga Oponganon kay sila ang nikuyog kanato sa atong paningkamot. Makita gyud nato nga sa pagtinabangay, kitang tanan ang mobenepisyo,” matod sa kongresista. (GCM)