WALA pa gani makasud sa Pilipinas ang bakona sa Covid-19, naa naman sab bag-ong virus. Gitawag kini og Covid variant nga gikan sa United Kingdom. Ang maong virus mas dali makatakod ikompara sa Covid-19. Mao nga na-alarma karon ang katawhan sa tibuok kalibotan kay duha na ka virus ang atong gikahadlukan.
Ang Covid-19 mipatay na og 1.8 milyon ka mga tawo ug 80 milyones niini ang nahimong positibo sa tibuok kalibotan. Nahibulong gani ang gobyerno sa London nganong paspas kaayo ang pagsaka sa Covid, gumikan diay sa bag-ong variant. Ang Covid variant nakasud nasab kini sa 15 ka mga nasud ug posibling ania na sab sa Pilipinas.
Ang tambag sa mga batid nga doctor mao ang pagsuot og mask ingon man face shield. Pag-inom og vitamins nga dunay zinc. Kasagaran sa vitamins nga atong gipangtomar mao vitamins C ug D. Wa pa gyud masiguro kon ang bag-ong bakuna makatabang kini sa Covid variant
Gipahibawo sa World Health Organization ( WHO ) nga dunay paabuton nga mas grabing virus. Gikahadlukan nga mahitabong motaas ang kaso sa Pilipinas sa Pebrero ngadto sa Marso ug mahitabo ang lockdown kon di makahimog lakang.
Grabi man sab ug di maleksyon ang gobyerno sa Pilipinas sa nahitabong Covid-19.
Hinuon dunay nay mga travel ban nga gipatuman ang Pilipinas sa mga byahi sa mga nasud nga dunay nay Covid variant.
Sa Siyudad sa Sugbo, nangandam na sab ang kagamhanan sa pagpanguna ni Mayor Labella. Email sa efrenlonzon71@gmail.com o text sa 09235562777