GUMIKAN sa bag-ong strain sa coronavirus disease (Covi-19) nga nag-aghat Malacañang sa pag-ban sa mga flight gikan sa 20 ka mga nasod, giuswag ang plano sa Kagamhanan sa Dakbayan sa Lapu-Lapu sa pag-abli unta sa turismo sa dakbayan alang sa langyaw nga mga turista.
Kini ang gipahibawo ni Lapu-Lapu City Mayor Junard “Ahong” Chan sa Disyembre 30, 2020.
Matod ni Chan nga gumikan sa bag-ong strain, wa usab mahinayon ang ila untang pagtagbo pagbalik ni Gobernador Gwendolyn Garcia aron mahan-ay ang mga health protocol nga ipatuman.
Posibleng inig kahuman na sa Enero 15 sila magtagbo pag-usab kalabot niini, diin ilang gipaabot nga makita na ang sitwasyon sa mga nasod nga apektado.
Gibutyag hinuon sa mayor nga ilang napadad-an sa proposal ang national Inter-Agency Task Force (IATF) kalabot sa ilang plano.
Naa na unya nila ang pagtuki kon mosugot ba sila kalabot niini. (GCM)