Matod pa sa Chinese astrology karong tuiga, 2021 mao ang Year of the Metal Ox. Magsugod kini sa Pebrero 12 (Chinese lunar New Year Day) ug matapos sa Enero 30, 2022. Ang mga nangagi ug umaabot nga Year of the Ox mao ang mga tuig 1961,1973, 1985, 2009, 2021 ug 2033. Mahitabo kini matag 12 ka tuig nga cycle.
Ang zodiac sign nga Ox nag-okupar sa ikaduhang posisyon sa Chinese zodiac. Ang 12 ka zodiac animals mao ang Rat, Ox, Tiger, Rabbit, Dragon, Snake, Horse, Goat, Monkey, Rooster, Dog ug Pig. Kon natawo ka sa Year of the Ox, ang imong Chinese zodiac sign mao ang Ox.
Unsa man ang personalidad sa Ox? Ang mga Ox nabaniog nga kugihan, kasaligan, lig-on ug adunay determinasyon. Ang mga natawo ubos niing maong zodiac sign mga kasaligan, kasandigan, patas, kalma, pasensiyoso ug kasaligan. Hinuon, aduna kini traditional ug conservative nga abilidad. Sa mga babaye nga natawo niing zodiac sign, usa ka maayong asawa ug inahan nga moatiman gyud sa iyang mga anak.
Ang ilang lucky numbers mao ang 1 ug 4 ug ubang mga numero nga naa gihapon ang 1 ug 4 sama sa 14 ug 41.
Lucky days mao ang 13th ug 27th. Lucky colors white, yellow ug green; lucky flowers: tulip, morning glory, peach blossom. Lucky direction: north ug south ug lucky months mao ang ika-pito og ika-siyam nga lunar months.
Samtang ang likayan sa mga natawo sa Year of the Ox mao ang color blue, numbers 5 ug 6, unlucky direction southwest, unlucky months 4th ug 11th sa Chinese lunar months.
Samtang ang angay ipares sa natawo sa Year of the Ox mao usab ang natawo sa Year of the Rat, Monkey ug Rooster. Ang dili bagay nga ika-pares mao ang mga natawo sa Year of the Tiger, Dragon, Horse ug Goat.
Hinuon, kining nasuwat dinhi nga pinasikad sa atong mga panuki-duki, isipa lamang nga kalingawan o entertaintment ug dili ta magsalig ani. Kay kini panagna lang ug ang labaw nga nasayod sa atong pagpakabuhi ning madangog nga kalibutan mao ra gyud ang Labaw’ng Makagagahum. Happy New Year sa tanan. (bobbygnalzaro@gmail.com)