NAMENTERYO ang usa ka amahan dihang nangilog og pusil sa duty desk officer sa Talomo Police Station kagahapon sa buntag, Enero 5, 2021.
Si Marlou (bansagon gitago), 30 anyos, patay nang nahidangat sa ospital sa Bangkal, Davao City human napusilan sa pulis kay nangilog og pusil dihang ipailawom na unta sa online inquest proceedings.
Nasayran nga giingong giunay og lugos sa maong amahan ang iyang anak, apan nasikop kini pinaagi sa pagsumbong sa anak sa nahitabo kaniya.
Ang kapulisan sa Davao City Police Office nagbutyag nga kung mabutang sa alanganin ang ilang kinabuhi, makahukom na sila sa pag-niyutralisa sa mosukol nga suspek.
Kini ang nahitabo sa usa ka amahan nga nangilog og baril sa pulis dihang i-proseso na siya sa pagpasaka og kaso sa korte.