SUPERBALITA CEBU

9 nanguli gikan sa Spain gi-quarantine sa Lapu-Lapu

DUNAY igong quarantine facility ang Dakbayan sa Lapu-Lapu alang sa mga Sugboanong gikan sa mga nasod nga dunay mga kaso sa bag-ong strain sa coronavirus disease (Covid-19).

Gibutyag ni Grace Mary Carungay, city epidemiological and surveillance officer sa Dakbayan sa Lapu-Lapu, nga gipaubos karon nila sa hugot nga monitoring ang nanguli nga mga Pinoy gikan sa mga nasod nga adunay bag-ong strain sa Covid-19 agi sa Mactan Cebu International Airport (MCIA).

Sa miaging semana, siyam ka mga Pinoy ang miabot agi sa tugpahanan gikan sa Espanya ang ilang gisugat alang sa mga estriktong protocol nga ilang gipatuman.

Gipaubos sila sa swab ug dayon gidala sa quarantine facility sa Siyudad nga anaa mahimutang atbang sa Hoops Dome sa Brgy. Gun-ob.

Pulos sila negatibo, sumala ni Carungay, apan sa ika lima nilang adlaw sa quarantine facility, ipaubos na usab sila sa swab test.

Kon mag negatibo gihapon, ipaubos na sila sa estriktong home isolation sulod sa 14 ka adlaw.

Kini aron masigurong di mokatap ang bag-ong strain sa Covid-19 sa Sugbo kon naa may nagdala nila sa Sars CoV-2.

Kasagaran sa mga nanguli mga cabin crew, flight attendant ug aduna usay miuli gumikan kay adunay sakop sa pamilyang namatay.

“Bisan kanang mga cabin crew, wala na sila monaog sa eroplano pero dili na sila exempted sa atoang quarantine protocol,” pagpasabot ni Carungay.

Samtang gipasabot ni Carungay nga lima ka adlaw ang ilang gitugot nga paestar sa quarantine facility sa nanguli nga mga Pinoy aron usab di sila maabtan sa kadaghan na nga ipahimutang sa pasilidad nga mga manguliay.

Nunot niini, masigurong paigo ra ang quarantine facility sa kagamhanan.

Ang lakang ila usab nga gi-coordinate sa Department of Health (DOH).

“Ug mag negative after 5 days, unya makapasar ang ilang home sa standard, adto na sila didto pero strict quarantine gyud siya makuyawan man gud ma overwhlemed ta sa mangabot unya kung ato e 14 days sa atong facility,” pagpasabot ni Carungay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph