DAGHANG pabor sa nakab-ot nga hukom sa kadagkoan sa kapulisan nga ilang rekomendasyon sa Inter Agency Task Force ( IATF) nga kanselahon o way Sinulog festival ning tuiga.
Di man mawala ang pagtuo sa katawhan ngadto sa kahitas-an kon di madayon ang Sinulog sa Siyudad sa Sugbo. Labaw sa tanan di man sab ang Ginoo ang nagsugo nga magpahigayon og Sinulog festival.
Di ba kabubut-on ra man kini sa tawo. Si Boy Odilao nga taga Talisay City maoy founder aning Sinulog.
Tinuod nga tradition na ang Sinulog . Apan tan-awon sab unta nila nga dunay pandemiya sa Covid-19. Ug dunay bag-ong Covid variant.
Si Cebu City Vice Mayor Mike Rama maoy chairman sa Sinulog Foundation.
Matod pa nila kon ipamugos ni Rama ang Sinulog ug mahitabo unya mosaka ang kaso sa Covid-19, manghilam-os kini sa pagsaway.
Ang nakapait mobalik ta sa lockdown. Di raba lalim ug sayon mapriso sud sa balay ug daghan nasab mawad-an og trabaho.
Daghan ang misugyot nga katawhan unya nalang ang Sinulog kon wanay pandemic kay maka paabot man gud na!
Tan-awa ninyo taga Sinulog Foundation. Naa nay bati nga komentaryo ang katawhan kabahin sa kuwarta nga budget alang sa kalihukan.
Di man ko motuo nga nag-apas sa kuwarta ang kadagkoan sa Sinulog Foundation, sukwahi sa pagduda sa uban.
TUIG 2021 NA
Happy new year kanatong tanan!
Kita manghinaot sa atong masugatan nga mga problema tungod sa masinating krisis ug kalamidad, di nato kilimtan ang pagpaduol ni Lord.
Duna man gud koy nabasahan. Dunay mga nagkadaiyang kalamidad ang mahitabo sa kalibotan
Ug tungod niini, ang 12 years old nga batang babaye maoy gibansay sa mga astronaut sa US aron ipada sa planetang Mars.
Karon hingpit na siyang nahimong astronaut sa edad nga 18. Ipada na siya sa Mars aron mohimo og pagtuon kon mabuhi ba ang mga tawo ug mga tanom didto. (Email: efrenlonzon71@gmail.com Text; 09235562777)