KIDAPAWAN CITY -- Negatibo sa paggamit sa gidiling druga ang sais mil (6,000) ka mga sakop sa Police Regional Office (PRO)-Soccsksargen.
Kini mismo ang gikompirma ni PRO Regional Director Brigadier General Michael John Dubria sa gipahigayon nga surprisa nga drug test.
Kini subay sa consolidated report nga gisumite sa Regional Crime Laboratory kalabutan sa mandatory drug tests nga gimando sa kapulisan.
Samtang padayon pa ang mandatory drug test sa nahibilin pang 1,000 ka mga pulis sa rehiyon.
"6,000 mula sa 7,000 personnel ang nagnegatibo at inaasahan namin na makakakuha kami ng parehong mga resulta hanggang sa makumpleto namin ang prosesong ito," malaumon si Dubria.
Kabahin ang drug test sa nagpadayon nga internal cleansing program sa Philippine National Police (PNP) sa mga commissioned ug non-commissioned police officers, apil na ang non-uniformed personnel nga ilawom sa PRO 12 ug ang support units niini.
Prayoridad sa region-wide testing ang top officials ug mga miyembro sa drug enforcement units gikan sa regional hangtud sa precinct levels. (Edgar E. Fuerzas)