NIA na ta sa ikapito nga adlaw sa Enero apan lab-as pa gihapon sa kadaghanan ang mga nahitabo nila sa miaging tuig ug kon giunsa nila pag-survive ang mga nangaging trahedya ug pagsulay. Nia ang pipila sa mga halandumon nilang pakigbisog sa 2020 ug ang mga gipangamuyo nila sa kahitas-an karong 2021. Happy New Year, Ssssuper Ka!
JOEMEL CABUNOC “CJ” TENIO | Vocal Coach
Painful loss of family members in both sides and no income due to cancelled bookings maoy dili nako malimtan sa 2020. But it also helped me re-align my potentials in digitalization under a new normal set-up. My wish for 2021 is a stable state of mind to move forward despite this life-threatening disease and new work opportunities not only for myself but also for everyone.
JAMES ROBERT SANIEL, MEIL UG BABY JIMGIRL | Commercial models; Actor
Ang 2020 maoy pinaka-challenging year namo tungod sa pandemic. Apan dako ang among pasalamat ni Meil nga mao sad ning tuiga nga niabot sa among kinabuhi ang among first baby nga si Jimgirl pag-September. Sa 2021 hatagan lang unta mi sa Ginoo og healthy nga panglawas kanunay ug successful mi sa among career aron makatabang mi sa among pamilya ug mahatagan namog nindot nga future ang among baby ug kon buligan pa sa kahitas-an matuman na ang among dream house.
JESSA SANTILLAN BAGUIO | Universal Fan Girl
Ang pinakagrabeng nahitabo nako sa 2020 mao ang pagkamatay sa akong pinakabuotan ug mahigugmaon nga inahan nga si Mama Agnes tungod sa breast cancer. Wa namo siya gi-admit pag-May kay basin i-declare n’ya siyang Covid unya puno sad ang tanang ospital. Pait kaayo kay naatol pa nga pandemic. Hangtod nga na-complicate ang iyang sakit. Nabugtoan siya sa balay ra niadtong Agusto sa edad nga 65. Ang wish nako sa 2021 nga mahuman na unta ning pandemya mao ra jud na.
PATRICK SUAREZ AND FAMILY | Radio personality
Ang dili malimtan sa among family kay pag-start sa Covid-19 timing nga nilarga akong wife ug mga anak sa province ug ako ray nabilin sa balay. Didto sila natanggong sa probinsya tungod sa quarantine measures. Lisud malayo sa pamilya. Nakabalik sila after 7 months. Sa pagkakaron nag-blocktimer ko sa dyRC Aksyon Radyo ug danceRadio975 ug nag-marketing executive kay kon di ka molihok pait jud. Wish namo nga good health lang pirme kay lisud magkasakit rong panahona.
LORD CHESTER TAN | BuzyBuddies Dancer
Kadtong nag-positive sa Covid-19 pag-August ang akong kuya, iyang wife ug ang yaya ang most challenging time namo sa 2020. Kay ako ray nahibilin sa balay uban sa ilang duha ka mga anak kay kami ra may nag-negative sa Covid. I was alone in the house with my 2 pamangkins for 14 days kay gi-quarantine man sa Zapatera akong brother, Ate Joanne ug ang yaya. Lisud kaayo kay ako tanan, hasta sa pag-assist sa mga kids sa online school nila. Salamat kay naka-survived sila. Affected kaayo mi karon sa entertainment kay zero bookings gyud mi. I hope sa 2021 mabalik na ni sa normal.
SOUTHWINGS BAND | Folk, Rock and Country
“As a band, in 2020, we only had 2 gigs. The rest were cancelled due to pandemic measures including our 20th anniversary show in November. Sa among 20 katuig isip Southwings band ang last year maoy pinaka-worst namong experience. We wish 2021 would bring us to greater heights in music. Our 3rd album is still unfinished. We also wish that this pandemic is over so everyone would live back to normal life.