SUPERBALITA CEBU

Drivers milapas sa health protocol gisikop

INSPECTION: Gisusi og maayo sa mga pulis ug traffic enforcers ang pampublikong mga sakyanan sa Dakbayan sa Lapu-Lapu diin daghan ang nadakpan tungod sa paglapas sa mga health protocol. / ALAN TANGCAWAN

Nasampolan ang mga drayber sa mga pampublikong sakyanan sa Dakbayan sa Lapu-Lapu nga wa mosunod sa health protocol atol sa gipahigayong operasyon sa Huwebes sa gabii, Enero 7, 2021.

Kadaghanan sa mga gisikop mao ang mga drayber sa tricycle diin sagad kanila nagpasakay og pasahero nga mas daghan sa gitugot nga kapasidad sa lokal nga kagamhanan.

Gipangsikop sab ang mga drayber sa multicab, e-jeep, ug UV Express nga nakalapas sa sumbanan sa social distancing ug pagsul-ob og mask. Samtang ang uban gipangbadlong mahitungod sa sobrang pagpaningil sa plite.

Aduna say upat ka mga traysikol, usa ka motorsiklo, ug usa ka sakyanan nga gi-impound human nasuta nga ang ubang drayber way lisensya ug ang uban expired na ang certificate of registration ug official receipt.

Gipangunayan pagdumala nila ni Mayor Junard Chan, City Police Chief Col. Arnel Banzon, ug City Traffic Management System Chief Mario Napule ang operasyon nga gipahigayon sa Cebu Light Industrial Park sa Barangay Basak.

Matod ni Chan, gibuhat ang maong operasyon human nakadawat ang iyang buhatan og mga reklamo kalabot sa mga overloading ug overpricing nga pasaheroan.

“Daghan na kaayo ta nadawat nga mga reklamo niini. Kaning mga v-hire, e-jeep, multicabs, tricycle nga sobra kaayo ang kapasidad,” matod ni Chan.

Sigon sa mayor nga 50 porsiyento lamang sa kapasidad sa mga pampublikong sakyanan ang gitugutan nga masakyan.

“Like traysikol, instead og duha ra ang nagsakay, ilang tulohon, upaton which is dili na mao sa atong gikasabutan. That’s why the passenger is complaining because they are paying double,” matod ni Chan.

Nagkanayon si Napule nga giisyuhan og citation ticket ang mga gipangsikop diin base ordinansa sa dakbayan, adunay P500 nga multa ang kalapasan sa social distancing ug P100 sa overloading.

“Kana labi na traysikol nga dili motuman, labaw makuha namo ang body number, pasensyahay na lang gayud ta kay inig renew ana nil,a mao gihapon makabayad lang gihapon sa ilang violation ana kay tanang renewal sa traysikol muagi man na sa amoa,” pahimangno ni Napule.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph