NAKATALA og siyam ka mga bag-ong kaso sa coronavirus disease (Covid-19) ang Cagayan de Oro human nagpositibo ang resulta sa swab test sa tulo ka mga locally stranded individuals (LSIs), upat ka mga returning overseas Filipino workers (ROFs), usa ka local case, ug usa ka Authorized Person Outside Residence (APOR).
Sa pagkakaron, anaa na sa 271 ang kinatibuk-ang kaso sa Covid-19 sa dakbayan.
Matud ni City Health Office Epidemiologist Dr. Joselito Retuya, ang tanan nga LSIs ug ROFs gidala dayon sa city isolation unit ug akomodasyon nga gi-man sa Overseas Workers Welfare Administration (OWWA) pag-abot nila sa dakbayan.
Ang ika-163 nga kaso usa ka 25-anyos nga lalaki nga ROF ug residente sa Barangay Puntod. Miabot siya sa NAIA Agosto 16 diin siya gi-swab. Nagpabilin siya sa usa ka hotel sa Manila samtang naghulat alang sa resulta sa iyang swab test nga migawas nga negatibo Agosto 18.
Ang lalaki miabot sa Cagayan de Oro pinaagi sa eroplano Agosto 20. Siya gi-swab Agosto 25 ug ang resulta migawas nga positibo sa Agosto 26.
Matud ni Retuya, ang 25-anyos nga lalaki adunay on-and-off nga sipon. Wala siyay comorbidity. Nakita sa City Health Office ang usa ka direct contact sa lalaki.
Ang ika-264 nga kaso usa ka 21-anyos nga lalaki nga LSI gikan sa Cogon Central Ramos, dakbayan sa Sugbo ug residente sa Barangay Taglimao. Miabot siya sa Cagayan de Oro pinaagi sa pagbiyahe sa dagat Agosto 20.
Ang lalaki gi-swab Agosto 25 ug ang resulta migawas nga positibo Agosto 26. Siya adunay on-and-off nga ubo ug wala’y comorbidity.
Ang ika-265 nga kaso usa ka lalaki nga wala’y usa ka tuig nga bata nga LSI gikan sa Bohol ug residente sa Barangay Bayabas. Miabot siya sa Cagayan de Oro pinaagi sa pagbiyahe sa dagat kauban ang iyang pamilya Agosto 20.
Ang bata gi-swab Agosto 25 ug ang resulta migawas nga positibo Agosto 26. Ang City Health Office miila sa tulo nga mga direct contacts, kini sila ang inahan, amahan ug igsoon sa bata. Tanan sila nagpabilin sa city isolation unit.
Ang bata asymptomatic.
Ang ika-266 nga kaso usa ka 31-anyos nga babaye nga ROF gikan sa Middle East ug residente sa Barangay Lapasan. Miabot siya sa Clark International Airport Agosto 12 diin siya gi-swab.
Ang babaye nagpabilin sa usa ka hotel samtang naghulat alang sa resulta sa iyang swab test, kini migawas nga negatibo Agosto 18. Nagbiyahe siya sakay sa bus padulong sa NAIA Agosto 18.
Miabot siya sa Cagayan de Oro pinaagi sa eroplano Agosto 19. Siya gi-swab Agosto 25 ug ang resulta migawas nga positibo sa Agosto 26.
Ang 31-anyos nga babaye usa ka asymptomatic ug wala’y comorbidity. Nakita sa City Health Office ang usa ka close contact, kinsa ang iyang anak nga babaye.
Ang ika-267 nga kaso usa ka 27-anyos nga babaye nga ROF gikan sa Middle East ug residente sa Barangay Macabalan. Matud ni Retuya, ang babaye gi-swab sa Middle East kaniadtong Hunyo 26 ug migawas nga negatibo ang resulta.
Miabot siya sa NAIA Agosto 12 diin siya gi-swab. Nagpabilin siya sa usa ka hotel sa Manila samtang naghulat sa resulta sa iyang swab test, kini migawas nga negatibo Agosto 16.
Ang babaye miabot sa Cagayan de Oro Agosto 17 ug gi-swab Agosto 25. Ang resulta migawas nga positibo sa Agosto 26.
Siya asymptomatic ug wala’y comorbidity. Gikatakda siya nga ibalhin sa Temporary Treatment and Monitoring Facility.
Ang ika-268 nga kaso usa ka 30-anyos nga lalaki nga LSI gikan sa Kamagayan, Cebu ug residente sa Barangay Nazareth. Miabot siya sa Cagayan de Oro pinaagi sa pagbiyahe sa dagat Agosto 18.
Ang lalaki gi-swab Agosto 24 ug ang resulta migawas nga positibo sa Agosto 26. Siya asymptomatic ug wala’y comorbidity. Gikatakda siya nga ibalhin sa Temporary Treatment and Monitoring Facility.
Ang ika-269 nga kaso usa ka 31-anyos nga babaye nga ROF ug residente sa Barangay Lapasan. Miabot siya sa NAIA Agosto 12 diin siya gi-swab. Nagpabilin siya sa usa ka hotel sa Manila samtang naghulat sa resulta sa iyang swab test, kini migawas nga negatibo Agosto 16.
Ang babaye miabot sa Cagayan de Oro Agosto 17. Siya gi-swab Agosto 25 ug ang resulta migawas nga positibo sa Agosto 26. Siya asymptomatic ug wala’y comorbidity.
Ang ika-270 nga kaso mao ang usa ka 31-anyos nga babaye nga health institution worker ug residente sa NHA sa Barangay Kauswagan. Matud ni Retuya, nakasinati siya og chills ug hilanat Agosto 21.
Sa Agosto 22, siya adunay sakit sa ulo ug sa Agosto 23, siya adunay loss of taste ug anosmia o loss of smell.
Gi-swab siya sa usa ka pribadong ospital ug positibo ang resulta Agosto 25. Nakita sa City Health Office ang lima ka direct contact sa babaye, silang tanan naa sa city isolation unit.
Matud ni Retuya, ang 31-anyos nga babaye adunay usa ka history of sinusitis ug siya wala'y comorbidity. Siya karon nagpabilin sa usa ka isolation area sa usa ka pribadong ospital.
Gipailalom sa usa ka localized focused containment ang usa ka parte sa NHA Phase 1 Gona sa Barangay Kauswagan.
Ang ika-271 nga kaso usa ka 32-anyos nga lalaki nga lokal nga APOR nga nagpuyo sa Barangay Cugman. Ang lalaki, kinsa usa ka health worker, nakasinati og ubo ug sipon Agosto 20.
Gi-swab siya Agosto 24 ug migawas nga positibo ang resulta sa Agosto 26. Wala siya'y comorbidity ug karon gi-admit siya sa Northern Mindanao Medical Center (NMMC).
Nakita sa City Health Office ang mga close family contact sa lalaki nga karon naa sa city isolation unit.
Ang Cagayan de Oro nakatala og 93 ka mga active cases, upat niini ang gi-admit sa NMMC, 16 ang mga outpatients, ug 73 ang mga ROFs/LSIs.