SUPERBALITA CEBU

Daclan: Diego ug Barbie sila na gyud

Ayg saba!

DIEGO Loyzaga ug Barbie Imperial pareho na nila nga gi-kompirmar ang relasyon nilang duha.

Katapusang na-link kang Diego si Sofia Andres nga may anak na karon, si Barbie usab na-link kang JM de Guzman human sila nagbuwag ni Paul Salas.

Daghan kaayong mga hugon-hugon niadto nga may relasyon ang duha pero karon may kompirmasyon na gikan mismo nila.

Nahimong malipayon ug nag-post sa iyang Instagram si Diego nga malipayon sa iyang bag-ong tuig uban nilang duha ni Barbie ug may piktyur pa nga naggakos ang duha.

Giangkon sab kini mismo ni Diego sa dihang gipangutana kini sa usa ka episode sa “Magandang Buhay” bag-ohay lang, gani kauban niya ang iyang inahan nga si Teresa Loyzaga nga nahimong bisita sa maong programa.

Daghan sab sa ilang mga suod nga higala ang nipahalipay ug misuporta sa ilang relasyon.

Usa na si Sunshine Cruz nga kauban ni Barbie sa seryeng “Bagong Umaga.”

Malipayon usab ang inahan ni Diego Loyzaga nga si Teresa sa nahimong relasyon sa iyang anak ngadto kang Barbie.

Human sa mga rebelasyon ni Diego, mihatag usab sa iyang kompirmasyon si Barbie, wala siya mag-tuo nga mahimong relasyon ang ilang panaghigalaay.

Tungod sab niini mapasalamaton kaayo ang babaye sa gugma nga gihatag kaniya sa lalaki, mao nga malipayon usab kini sa ilang gitawag nga “love ug friendship” nga panaghigugmaay, Ay’g Saba!

* * *

Bisan og way prangkisa apan padayon gihapon nga nag-serbisyo ang ABS-CBN, gani nakita pa nato ang ilang Christmas Station ID ug padayon pang ginuntan ang uban nilang programa pinaagi sa cable, A2Z Channel 11 sa free TV, sa live streaming sa Kapamilya Online Live, iWantTFC ug uban pa.

Mao siguro nga malipayon sab kaayo ang mga Kapamilya fans nga nagpaabot sa mga bag-o niining hatod nga programa karong tuiga.

Sa mi-aging Christmas Station ID nga atong nakita, may mga programa na silang gipakita, mao nga gawas sa “Huwag Kang Mangamba,” nilang Andrea Brillantes ug Francine Diaz, ug “Princess Daya’Reese.” sa “Mayward” magbalik teleserye usab ang “KathNiel” ug may pelikula nga buhaton sila si Bea Alonzo ug John Lloyd Cruz.

Sa trailer nga ilang gipakita nga “Together As One Sa 2021” daghang proyekto ang atong atngan gikan sa mga teleserye, pelikula sa Star Cinema ug iWant Originals.

Grabe kainit ang mga eksena nilang Yam Concepcion, Gerald Anderson ug JM de Guzman sa “Init Sa Magdamag,” silang Erich Gonzales, Carlo Aquino, JC de Vera ug Kit Thompson ang mga bida sa “La Vida Lena.”

May sugilanon sa gugma nga katapusan ang dugang buhaton nga serye nilang Daniel Padilla ug Kathryn Bernardo, may “Almost Paradise” diin ang bida ang American Actor nga si Christian Kane kauban ang mga beteranong Filipino actors.

Mobalik na usab ang “Your Face Sounds Familiar” sa laing season niini ug ang si Luis Manzano.

Kini pa lang nahimong excited ug malipayon na ang mga Kapamilya fans, unsa pay kaha kon may mga pelikula ug iWant Originals pa nga atong ipahibaw ninyo sa sunod natong tsika, di vah hudyaka, Ay’g Saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph