Pusher sa Cotabato dakpan sa Task Force Davao

Hulagway iya sa Bunawan Police Station
Hulagway iya sa Bunawan Police Station

TAMAN ra gyud sa Task Force Davao Licanan Checkpoint sa Lasang ang usa ka lalaki kinsa gituohang pusher nga taga Cotabato City.

Enero 9, 2021, alas 8:30 sa buntag, nasignit ang suspek nga si Leonard Lefrozo Javiso, 31, drayber ug residente sa Shariff Kabunsuan, Rosary Heights III, Cotabato City.

Mosulod na unta sa Davao City ang suspek gikan Norte nga bahin apan naharang siya ug nakuha sa iyang posisyon ang mga pakite sa gituohang shabu nga mobalor og P81,600 ug usa ka kalibre .45 nga pistola nga dunay mga buhing bala.

Sumala ni Bunawan Police Station Chief of Police Major Noel Villahermosa nga hugot gayod ang ilang monitoring sa mga tawo nga mosulod sa dakbayan gikan sa Norte, diin tanan dala niini rekisahon.

Sa laing bahin sa samang adlaw, malampuson sab ang gihimong buy-bust operation sa Bunawan Philippines National Police sa Kabayan, Tibungco, Davao City.

Sikop ang usa ka Regen Omega Dacay, 24, kinsa napalitan og mokantidad P2,000 nga gituohang shabu.

Sumala ni Villahermosa nga bunga kini sa gipakusgan nga kampanya sa kasundalohan ug kapulisan batok ilegal nga druga.

Giandam na ang kaso nga ipasaka kanila didto sa korte. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph