MIDANGOP sa Women and Children Protection Desk (WCPD) sa Talomo Police Station ang usa ka misis dihang misangko sa panag-away nila sa iyang mister kay gibutangan og bolitas ang kinatawo niini.
Niadtong Enero 7, 2021, nagpa-blotter ang asawa nga si Mirasol, 34, taga Matina Aplaya, Davao City dihang gikulata siya sa iyang bana.
Una niini, gisakitan pag-ayo si Mirasol sa iyang kinatawo dihang nagkombati sila sa kama sa iyang bana gumikan dako kaayo ang duha ka bolitas nga giariyos sa junior sa iyang mister.
Pagkaugma, gikompronta na sa asawa ang iyang bana ug giistoryahan nga ipatanggal ang ariyos sa kinatawo gumikan sakit alang kaniya, apan ang bana nasuko sa pagsulti sa asawa.
Nahimo nilang away nga miresulta sa pagsumbag sa bana ngadto sa iyang asawa.
Nakaangkon og mga bun-og sa kalawasan ang misis hinungdan nga nagpa-blotter kini sa Talomo Philippine National Police.
Gipahimangnoan sa kapulisan ang mag-asawa nga magsinabtanay ug mas maayong dili na lang maabot sa barangay.