ANG GMA Network, Inc., labing dako nga TV network sa Pilipinas, mogahin sa kapin sa P20 bilyunes nga capital expenditures (Capex) budget alang sa 2021 ngadto sa 2023 o sulod sa tulo ka tuig.
Ang projected three-year Capex sa GMA naglakip sa pagtukod og bag-ong state-of-the-art studios sulod sa GMA Network complex sa Quezon City.
Usa sa dakong bahin sa maong gahin ang gitagana alang sa content production ug post-production.
Dugang sa budget molangkob sa nagpadayong pagpalapad sa maabot sa iyang digital terrestrial television (DTT) ug nagkalainlaing proyekto sa mga rehiyon sa pagpalig-on sa presensiya sa GMA.
Ang Network opisyal nga nilusad sa sayo ning tuiga sa iyang mobile digital TV receiver, GMA Now, diin naghimo sa mga tumatan-aw sa telebisyon alang sa libreng interactive features.
Samtang, ang Kapuso Network wla usab makalikay sa global crisis sa 2020 tungod sa Covid-19 pandemic, ang pito-ka-dekadang higanteng network nakabawi sa iyang airtime sales sa ikaduhang tunga sa tuig uban sa malampusong paglusad sa iyang DTT receiver, GMA Affordabox, niadtong Hunyo.
“Surpassing seven decades is no easy feat for our company especially during an exceptionally challenging year in 2020, but we are very proud of what we have achieved so far through our people’s dedication and our commitment to Serbisyong Totoo. We wholeheartedly thank all our Kapuso for their unrelenting support to GMA. Rest assured that your Kapuso Network will continue to provide only the best for our viewers,” matod ni GMA Network Chairman and CEO Felipe L. Gozon. (PR)