Igsuon sa usa ka kanhi inila nga drug personaity giingong nigamit sa negusyong ukay-ukay, apan drugas diay ang gibaligya sa tinud-anay.
Nadakpan sa buy-bust sa sityo Holy Name, Mabolo, Siyudad sa Sugbo si Reynaldo Blanco, 54, nagpuyo sa dapit.
Nakuha gikan kaniya ang 16 gramos nga shabu nga dunay balor nga P108,000 base sa Dangerous Drugs Board (DDB) value.
Si Police Major Armando Labora, hepe sa Parian Police Station 1, uban sa iyang Drug Enforcement Unit, nilusad sa operation human sila nakadawat og impormasyon sa ilegal nga negusyo ni Blanco.
Nasayran sa mga sakop sa Parian Police nga si Blanco giingong frontline nga negosyo mao ang ukay-ukayan samtang namaligya usab og drugas.
Matod ni Labora nga si Blanco una pa giplanohan nga ipaubos sa buy-bust kapin sa usa ka semana ang milabay.
Samtang nasubay usab sa mga pulis nga si Blanco maguwang sa usa ka alyas alyas Negro Blanco nga kanhi drug player sa Barangay Mabolo, apan namatay sulod sa prisohan. (BBT)